Na Michała Domašku spominali poručenje

póndźela, 01. nowembera 2021
artikl hódnoćić
(0 )

Serbske ewangelske towarstwo zhladuje na wuspěšne skutkowanje

Ketlicy (bwi/SN). Po lońšej přestawce koro­ny dla je Serbske ewangelske towarstwo (SET) na wčerawšim reformaciskim dnju po starodawnym wašnju zaso swoju hłownu zhromadźiznu wotměło a zdobom wólby přewjedło. Zetkali su so tónraz w Ketlicach.

Bilancujo skutkowanje minjenych mě­sa­cow zwěsći stary a nowy předsyda cyłka Mato Krygar, zo bě „lěto 2021 najebać koronapandemije połne dźěła za towarstwo“. Prawidłownje zaruča SET pod nawodom Trudle Malinkoweje wuchadźenje časopisa „Pomhaj Bóh“. Wob­jim lětušich wudaćow je nadpřerěznje wulki, wšako bě pod jeje nawodnistwom ličba přinoškow do časopisa rozrostła. Jako­ wjerški towaršnostneho žiwjenja mje­nowaše Krygar w rozprawje lětuši serbski cyrkwinski dźeń w Mosće, dworowy swjedźeń w Hrubjelčicach a serbski ewangelski kónc tydźenja w Hainewaldźe. „Za wulki wuspěch mam přede­wšěm fakt, zo móžachmy tójšto młodostnych na zarjadowanja přiwabić.“

wozjewjene w: Towarstwa
Prošu přizjewće so, chceće-li komentar podać

Serbska debata

nowostki LND