Domowina chce redakcijomaj tydźenika a wječornika bóle poboku być

Choćebuz/Budyšin/Lipsk (SN/at). Z poziciskej papjeru wo situaciji serbskich a dru­hich regionalnych medijow je předsyda Dawid Statnik čłonow Zwjazkoweho předsydstwa Domowiny do aktualneje debaty na posedźenju gremija minjeny pjatk w Choćebuzu zawjedł. Z widom na dorost w redakcijomaj Noweho Casnika a Serbskich Nowin je Statnik wo „napjatym połoženju“ rěčał. „Redakciji njejstej samej“, wón rjekny. Aktiwne dopisowarstwo móhło redaktorkam a redaktoram pomhać přichodne ćežke tydźenje přemosćić. Zawod předsydy je mjez čłonami zwjazkoweho předsydstwa, kotřiž běchu po ličbje přitomnosće hakle w běhu posedźenja wobzamknjenja kmani, zdźě­la kontrowersnu diskusiju wubudźił.