Zhromadnje kermušowali

štwórtk, 17. nowembera 2022
artikl hódnoćić
(0 )
Před něhdźe 90 wopytowarjemi župneje kermuški župy „Michał Hórnik“ je spěwna skupina PoŠtyrjoch předwčerawšim w Hórkach jara poradźeny koncert wuhotowała.  Foto: Feliks Haza Před něhdźe 90 wopytowarjemi župneje kermuški župy „Michał Hórnik“ je spěwna skupina PoŠtyrjoch předwčerawšim w Hórkach jara poradźeny koncert wuhotowała. Foto: Feliks Haza

Koncert a spěwny wječor mjez skupinarjemi dobry wothłós žnjałoj

Hórki (SN/MWj). Tak kaž minjeny kónc tydźenja w Radworju a přichodny w Delanach su předwčerawšim tež w Hórkach kermušu swjećili. Nic wosadnu, ale tu župy „Michał Hórnik“, kotraž je zarjadowanje na Smolic statoku zhromadnje z Hórčanskim wjesnym towarstwom wuhotowała. Něhdźe 90 wopytowarjow je přewšo zabawny a bjesadny wječor z koncertom spěwneje skupiny PoŠtyrjoch, ze zhromadnym spěwanjom a słódnej wječerju dožiwiło.

Dwě lěće dyrbjachu korony dla na tele zarjadowanje čakać. Ćim bóle so županka Diana Wowčerjowa wjeseleše, zo bě telko ludźi přichwatało. Žony župneho předsydstwa a wjesneho towarstwa njeběchu jeno zymne platy po přikładźe antipasti přihotowali, ale tež přewšo słódnu kirbsowu poliwku, wot kotrejež by něchtóžkuli zawěsće hišće wjace znjesł.

wozjewjene w: Towarstwa

Galerija

dalši wobraz (1) Ludwig Budar, Beno Hojer (wotprawa) a pozdźišo tež Syman Hejduška su spěwny wječor přewodźeli. Foto: Marian Wjeńka
Prošu přizjewće so, chceće-li komentar podać

słowo lěta 2022

nawěšk

nowostki LND