Delegacija poradźowaceho wuběrka Europskeje rady zaso w Serbach była

Budyšin (SN/mb). Pjeć a poł lěta po zašłym wopyće we Łužicy, w Choćebuzu, je so wčera zaso delegacija poradźowaceho wuběrka Europskeje rady za Wobłukowe dojednanje za škit narodnych mjeńšin ze zastupjerjemi serbskeho ludu zetkała. Šesty raz chcedźa połoženje domoródnych mjeńšin Němskeje hódnoćić. Wot póndźele hač do dźensnišeho su čłonce a čłon w nadawku wuběrka po puću, a to nimo Budyšina tež w Flensburgu, Kielu, Berlinje a Drježdźanach. Na zakładźe rozmołwow z mjeńšinami, ciwilnej towaršnosću a reprezentantami knježerstwow spočatk 2027 swoje poručenja wozjewja.