Na Wuchodosakskim lochkoatletiskim mišterstwje sobotu w Budyšinje je sej Bronjanka Serafina Mičkec w starobnej klasy 12 w dalokoskoku ze 4,72 m titul zawěsćiła. W běhu přez zadźěwki na čarje 60 m wobsadźi wona z 10,01 sek. druhe městno. Dalšej medaliji wudoby sej Bronjanka w běhu na distancy 800 m (bronza, 2:43.31 min.) a w staflowym běhu 4 x 75 m z mustwom OSLV Budyšin. Třeće městno zawěsćichu sej zhromadnje Charlotte Geißler, Zoé Will, Tereza Maćijec a Serafina Mičkec. Hrubjelčanka Tereza Maćijec doby wubědźowanje w sk 13 we wysokoskoku z 1,53 m. Wuchodosakski mišter w běhu přez zadźěwki na čarje 60 m (9,96 sek.) w sk 12 je šuler Serbskeho gymnazija Budyšin Rafael Schwarz. Slěbornu medalju wudoby sej Schwarz při sprinće na čarje 75 m w 10,52 sekundach.

W Bad Freienwalde bě so sobotu druhi běh wo Němske dumperowe mišterstwa přewjedł:

1. Maik Schurig, Adelsdorf: 2:57,81 min.

2. Filip Kral, Lejno: 2:57,92 min.

3. Markus Donat, Baćoń: 2:58,98 min.

4. Paul Domš, Adelsdorf: 3:00,83 min.

Cyłkowny staw po druhim z pjećoch běhow:

1.Maik Schurig, Adelsdorf: 38 dypkow

2. Filip Kral, Lejno: 38 dypkow

3. Paul Domš, Adelsdorf: 30 dypkow

4. T . Neumann, Adelsdorf: 26 dypkow

5. Markus Donat, Baćoń: 24 dypkow