Postupy SPD wobkrućene
Berlin (dpa/K/SN). Zo SPD z Martinom Schulzom jako kandidatom na kanclera postupuje, wobkruća tež woprašowanje agentury Forsa za sćelak RTL a časopis Stern. Te je wunjesło, zo je SPD w běhu tydźenja pjeć dypkow přibyła a tak na 31 procentow postupiła. Jeje zastatk na uniju wučinja nětko jenož hišće tři procenty, je dźě Forsa za CDU/CSU 34 procentow zwěsćiła. We woprašowanju agentury Insa za nowinu Bild su socialdemokraća uniju samo hižo přesćahnyli.
Abbas šwika israelski zakoń
Paris (dpa/K/SN). Prezident Palestinjanow Mahmud Abbas je israelski sydlerski zakoń jako „agresiju přećiwo našemu ludej“ raznje pošwikał. „Tónle zakoń rani mjezynarodne prawo“, zwurazni Abbas wčera w Parisu składnostnje swojeho zetkanja z francoskim prezidentom Françoisom Hollandeom. Tón je zakoń kritizował, dokelž móhł być „puć k faktiskej aneksiji wobsadźeneho palestinskeho teritorija“.
Razniše chłostanja schwalili
Lěty wupadnyli
Tilich na wopyće w čěskej stolicy
Praha (dpa/K/SN). Po dotwarje awtodróhi Drježdźany–Praha zaměrjatej so Čěska a Sakska na železniski zwisk wysokeje spěšnosće. Njesmě być, zo nakładne awta awtodróhu zatykaja, praji sakski ministerski prezident Stanisław Tilich (CDU) wčera na wopyće w Praze. Zwjazkowy minister za wobchad Alexander Dobrindt (CDU) je jemu připrajił, hišće lětsa hospodarsku wužitnosć wysokospěšneje čary Drježdźany–Praha dać přepruwować. Tilich a čěski ministerski prezident Bohuslav Sobotka mataj zahajenje twara tajkeje čary w lěće 2035 za móžne. Dotal jězdźa wšitke ćahi přez idylisku dolinu Łobja a Čěsko-Saksku Šwicu.
Dalša tema zetkanja Tilicha a Sobotki bě kriminalita w pohraničnych kónčinach a zaměrny bój přećiwo njej. „W tym nastupanju je widźomnych postupow“, sakski premier zwurazni. Na přikład njekradnu hižo telko awtow. Dźensa je Tilich w sewjernych Čechach wotnožki wjacorych sakskich firmow wopytał.
Komerc za Serbow
To a tamne (08.02.17)
Chětro bolostnje do ruki kusnył je w bayerskim Landshuće paduch wobchodowemu detektiwej. Tón bě 34lětneho wobkedźbował, jako wjacore zamróžene pizzy kradnješe. Při durjach 56lětny podhladneho narěča. Na to dóńdźe k rozestajenju, při čimž paduch detektiwej tak jara do ruki kusny, zo dyrbjachu ranu w chorowni lěkować.
Po dwěmaj měsacomaj je policija w Mnichowje zhubjene awto namakała. Kaž prezidij zdźěli, bě 55lětna žona z Durinskeje 11. decembra awto njedaloko hłowneho dwórnišća parkowała, pozdźišo pak je wjace njenańdźe. Zdźěliwši policiji, zo je wóz pokradnjeny, jědźeše z ćahom domoj. Nětko je policistam w starym měsće dospołnje zanjerodźene awto napadnyło, zhubjeny wóz z Durin- skeje. Žonu su mjeztym informowali.
Wo tym rěčeć, što chcemy
Berlin (B/SN). Zwjazkowy nutřkowny minister Thomas de Maizière (CDU) měni, migraciska kriza a rozestajenje z islamizmom měłoj „nam přičina być, wo tym rěčeć, štó smy, što chcemy być, što nas wjedźe?“. Tydźenikej Die Zeit pokaza de Maizière na swoju zwjazanosć z křesćanstwom: „Widźiće křiž w mojej dźěłarni. Nimam wotmysł jón wotpójsnyć.“
Pomhać, hdźež je nuza
Mnichow/Berlin (B/SN). Zwjazkowy minister za financy Wolfgang Schäuble (CDU) a wulke cyrkwje wobroćeja so přećiwo wuwićowej swobodźe za staty, kotrež hižo žanych ćěkancow wróćo njebjeru. „Srědki skrótšić je kontraproduktiwne a wopačny signal“, rjekny prelat Martin Dutzmann, ewangelski předsyda Zhromadneje konferency Cyrkej a wuwiće, w Berlinje. Sćěh toho by była destabilizacija wotpowědnych statow a hišće wjetša migracija. Dutzmann warnowaše před přiběracymi socialnymi problemami we wuwićowych krajach, jeli so pomoc skrótši. „Jako křesćanske cyrkwje žadamy sej tam pomhać, hdźež je nuza najwjetša.“
Za fairny dialog ze stronu AfD
Prošene a njeprošene stejišća
Po sakskim Serbskim zakonju ma statne knježerstwo znajmjeńša jónu w legislaturnej periodźe rozprawu wo połoženju serbskeho ludu Sakskemu krajnemu sejmej podać.
Budyšin/Drježdźany (SN/at). W statnym ministerstwje za wědomosć a kulturu (SMWK) w Drježdźanach přihotuja nowu rozprawu wo połoženju serbskeho ludu. „K tomu je SMWK wo přidźěła prosyło tamne sakske ministerstwa, Radu za serbske naležnosće, Domowinu – Zwjazk Łužiskich Serbow, Załožbu za serbski lud, Katolski běrow Sakskeje kaž tež Ewangelski běrow Sakskeje“, zdźěli jeho nowinski rěčnik Andreas Friedrich na naprašowanje našeho wječornika.
Zo by Domowina poziciju jako třěšny zwjazk formulować móhła, je wona próstwu ministerstwa swojimaj sobustawomaj Serbskemu šulskemu towarstwu (SŠT) a Towarstwu Cyrila a Metoda (TCM) dale dała. Runje tak je so na Serbske ewangelske towarstwo wobroćiła. Stejišćo Domowiny mjeztym w přisłušnym ministerstwje předleži, kaž nowinska rěčnica Borbora Felberowa dźensa potwjerdźi.
Ministerka pola wojakow
Berlin (dpa/K/SN). Němska zwjazkowa ministerka za zakitowanje Ursula von der Leyen (CDU) wopyta dźensa w Litawskej wojakow Zwjazkoweje wobory. Hromadźe z litawskej prezidentku Daliju Grybauskaiete wobdźěli so wona na něhdźe 100 kilometrow wot ruskeje hranicy zdalenym zepěranišću Rukla na witanju prěnjeho kontingenta Zwjazkoweje wobory, kotraž sćele cyłkownje 450 wojakow do bojoweje jednotki NATO. Ta ma tam baltiski kraj před Ruskej škitać.
Mjezy dale kontroluja
Brüssel (dpa/SN). Němska smě zhromadnje ze štyrjomi dalšimi krajemi pomjezne kontrole hač do spočatka meje podlěšić. Ministerska rada Europskeje unije je dźensa wotpowědnu próstwu přizwoliła. Kraje dyrbjeli so z potrjechenymi susodami dorěčeć a kontrole na trěbnu měru wobmjezować. Poprawom su w Schengenskim rumje pomjezne kontrole wotstronjene. Krizy ćěkancow dla pak běchu je Němska, Awstriska, Danska, Šwedska a Norwegska zaso zawjedli.
Bydlenja přepytali
