Sport (11.11.16)
Pokalna koparska hra
Dźensa wječor wočakuje regionalny koparski ligist Budissa Budyšin na Młynkec łuce w pokalnym kole Kamjeničanski FC, kotryž hraje klasu wyše w třećej lize. Zakop štwórćfinalneje partije je w 19 hodź.
Sakska přećiwo Pruskej
Wutoru, 15. nowembra, wotmějetej Pěskečanska a Sulšečanska młodźina koparski duel „Sakska přećiwo Pruskej“. Hrać budu w Pěskecach, a to wot 18.30 hodź. pod swětłomjetakami.
Prěni tabulki přećiwo druhemu
Volleyballisća prěnjeho mustwa Viktorije Worklecy hraja jutře w sportowej hali Serbskeho šulskeho a zetkawanskeho centruma w Budyšinje. Načolnik wobwodneje ligi wočakuje tam JTVG Koblicy, druheho tabulki, wot 14 hodź.
Pjasćowanska nóc
Třeću pjasćowansku nóc přewjedu pjasćowarki a pjasćowarjo Pósta Germanije Budyšin sobotu, 26. nowembra, w sportowni na Budyskim Třělnišću. Pjasćowanske boje budu tam wot 18.30 do 24 hodź. Zastupne lisćiki za wosom eurow poskićeja Budyscy pjasćowarjo w předpředani w treningowej hali na Jana Skalowej 65. Tam móžeće jim wotydźenja, nimo wutory, wot 17 do 19 hodź. tež při treningu přihladować.
Dwójce hrali, dwójce dobyli
Troje wrota hižo do połčasa kasěrowali
HZ Łaz/Běły Chołmc
– Sokoł Ralbicy/Hórki II 3:0 (3:0)
Zestawa hosći: Měškank – Materna, M. Matka, Šnajder, T. Matka, Bogusz, Čórlich, Kobalc, Serbin, J. Matka, Kurjat
Ralbičanscy koparjo nastupichu pola dotal štwórteho tabulki HZ Łaz/Běły Chołmc. Partija wotmě so w Běłym Chołmcu. Hrajnišćo njeje runjewon jako najlěpše we wokrjesu znate. Nimo toho hraješe tam tón dźeń hižo druhe zastupnistwo, a z njebja so miholeše. To pak njesmě žana wurěč być, wosebje za prěnje dwaceći mjeńšin hry. Z dwojimi wrotami w 2. a 18. min. postara so Steve Weigel wo změrowacy předskok. Poprawom dyrbješe Sokołej jasne być, zo je to najstrašniši nadběhowar w rjadach domjacych. Z nětko dźesać wrotami je wón druhi najlěpši třělc wokrjesneje ligi stafla II. Třeće wrota slědowachu dwě mjeńšinje pozdźišo přez Philippa Witschasa, druheho najlěpšeho třělca hóstneho hrajneho zjednoćenstwa.
Wuslědki (10.11.16)
Wokrjesna koparska klasa, stafla II
Wulke Ždźary II – Mały Wjelkow 0:6 (0:4)
Łaz/Běły Chołmc II – Łuty II 5:0 (1:0)
Kulow II – Lubuš II2:0 (2:0)
Chrósćicy II – Němske Pazlicy II 2:0 (0:0)
Wětnica-Hola – Šćeńca3:2 (0:1)
Njebjelčicy II – Hlinowc 1:1 (1:0)
1. SJ Chrósćicy II 9 27 : 17 22
2. SG Wětnica-Hola 9 36 : 18 20
3. ST Hlinowc 9 25 : 11 19
4. HZ Łaz/Běły Chołmc II 9 28 : 15 18
5. FSV Šćeńca 9 29 : 23 16
6. Nat. Němske Pazlicy II 9 17 : 15 14
7. ST Mały Wjelkow 9 25 : 27 11
8. SJ Njebjelčicy II 9 17 : 14 10
9. Módro-běli Kulow II 9 12 : 21 7
10. ST Lubuš II 9 15 : 30 6
11. FSV Łuty II 9 18 : 34 6
12. HZ Wulke Ždźary II 9 8 : 32 4
Ćežki porod třoch dypkow
ST Marijina hwězda
– SZ Wóslink/Skaskow 2:0 (1:0)
Zestawa domjacych: O. Schmidt – Smoła, Rab, T. Jurš, Lipič (85. Czapik), Peschmann, Hawš, Bělk, P. Schmidt, Pakoßnick, D. Jurš
Na jědnatym hrajnym dnju wokrjesneje ligi witachu koparjo ST Marijineje hwězdy doma přećiwnika z Wóslinka-Skaskowa. Jasny cil jich trenarja Tobiasa Škody rěkaše: „Dźensa dyrbimy dobyć.“ Wotpowědnje tomu započachu woni tež hnydom kaž wohnjowi wobornicy. Hižo po 20 sekundach třěli Paul Schmidt bul nisko a wótrje před wrota hosći. Tam pak bu Falko Peschmann myleny. Šěsć mjeńšin po tym běše to znowa Schmidt, kiž ze spěšnym soloběhom třoch přećiwniskich hrajerjow přewiny. Štwórty pak jeho foulowaše. Sudnik pokaza tuž na dypk, a Křesćan Bělk jědnatku suwerenje (7.) přetwori. Mjeńšinu pozdźišo móhł wón samo na 2:0 zwyšić, sam před wrotami pak njetrjechi. Do přestawki trjechi Peschmann hišće dwójce žerdź, tež pospyt Pawla Lipiča cil snadnje misny.
Wuslědki (09.11.16)
Wokrjesna koparska liga, stafla III
Sepicy – Němske Pazlicy 0:3 (0:1)
Njebjelčicy – Drjewnica 2:0 (1:0)
Mar. hwězda – Wóslink/Skaskow 2:0 (1:0)
1. SG Großnaundorf 11 41 : 13 26
2. TSV Wachau 11 35 : 18 23
3. Nat. Němske Pazlicy 11 29 : 14 23
4. SG Frankenthal 11 28 : 17 20
5. SJ Njebjelčicy 11 18 : 13 20
6. ST Marijina hwězda 11 21 : 15 18
7. SV Haselbachtal 11 20 : 15 16
8. Arnsdorfske KT 11 17 : 18 15
9. Zeleno-běli Sepicy 11 30 : 26 14
10. SC Großröhrsdorf II 11 21 : 24 12
11. SV Hermsdorf 11 16 : 28 10
12. SZ Wóslink/Skaskow 11 14 : 37 7
13. ST Drjewnica 11 8 : 38 6
14. Liegau-Augustusbad 11 14 : 36 5
wokrjesna klasa, stafla IV
Arnsdorf II – Wachau II 2:1 (0:1)
Hermsdorf II – Haselbachtal II 0:1 (0:1)
Sepicy II – Bretnig-Hauswalde 1:3 (0:0)
Mar. hwězda II – Kinspork/Łuž. II 4:0 (3:0)
1. FSV Bretnig-Hauswalde 9 36 : 9 21
2. Lomnitz/Großnaun.II 9 26 : 7 21
3. Germania Biskopicy 9 19 : 11 18
4. Arnsdorfske KT II 9 22 : 21 16
5. ST Kinspork/Łužnica II 9 12 : 14 16
6. TSV Połčnica 1920 II 9 21 : 20 15
7. ST Marijina hwězda II 9 18 : 20 15
8. TSV Wachau II 9 19 : 17 9
9. Zeleno-běli Sepicy II 9 18 : 31 9
10. SV Haselbachtal II 9 10 : 23 9
11. SV Hermsdorf II 9 16 : 30 9
12. SG Frankenthal II 9 11 : 25 3
krajna liga
Lößnitz – Rapid Kamjenica 0:3 (0:2)
Freiberg – Kamjenc1:4 (1:1)
1. Kamjenc 11 26 : 11 25
2. Eilenburg 10 26 : 8 24
3. Pirna-Copitz 11 23 : 12 23
4. Grimma 9 20 : 10 20
5. Wocl Riesa 9 20 : 13 18
Žurnalisća z Lipska najlěpši
Sćelakaj ARD a ZDF 39. volleyballowy turněr w Budyšinje přewjedłoj
Serbski Sokoł, třěšny zwjazk serbskich sportowčow a sportowcow, je minjeny kónc tydźenja prěni raz zhromadnje z volleyballowymi mustwami MDR Serbja, Škit Budyšin, Serbski gymnazij Budyšin-wučerjo, Mustwo 1296, Viktoria Worklecy a Sokoł Budyšin zarjadował 39. volleyballowy turněr wo pokalej a čerwjenu latarnju sćelakow ARD a ZDF. Dokelž njemóžachu zamołwići MDR turněr sami přewjesć, nańdźechu ze Sokołami a wjele dalšimi serbskimi volleyballowymi entuziastami spušćomnych ludźi, kotřiž su sportowe zarjadowanje žurnalistow z cyłeje Němskeje organizowali a přewjedli.
Chětro bolostna poražka
Wojerowski FC II
– ST 1922 Radwor 3:2 (1:2)
Zestawa hosći: Wünderlich – S. Henke, F. Šěrak, Zähr, Šram (66. Omran), Zimmermann, Nuk, von Karwin, Bejmak, Schulze, Buša (80. Hančik)
Poprawom su sej Radworscy koparjo předewzali, so z třomi dypkami z Wojerec nawróćić. Tele přeće pak so jim bohužel njespjelni. Na kóncu pobrachowachu někotre minuty, trěbna wola a klewernosć.
Kermušne tři dypki
SJ Njebjelčicy
– SZ Drjewnica 2:0 (1:0)
Zestawa domjacych: Hahn – Zeller, Hommel, Pawlik, Šołta, Hanuza, Haška, Cyž, Hrjehor (69. Hoelzel), Lejnart (90. Šram), Čornak (60. Korjeńk)
Kermušnu njedźelu njebě to runjewon najlěpša hra koparjow Njebjelčanskeje SJ, byrnjež dobyli. Nerwozita a njedosahaca koncentracija knježeštej přez dołhi čas prěnjeje połojcy. Nadběhi přez Pawla Hrjehorja a Jurja Hašku so konsekwentnje dosć njewotzamknychu. Tommy Hommel zhłójčkowa po róžku wyše łaty a Gabriel Čornak misny po kombinaciji Robert Lejnart–Tadej Cyž bul před klětku hosći. Tež Cyžowy wólny kop dźěše přez wrota. W tym času bychu hosćo z trochu zbožom z jednymi abo dwojimi wrotami přez spěšne kontery nawjedować móhli. Faktisce z wothwizdanjom prěnjeho połčasa poradźi so Ronnyjej Hanuzy z hłójčku 1:0.
Wuslědki (08.11.16)
Wokrjesna koparska liga, stafla II
Wojerowski FC II – ST Radwor 3:2 (1:2)
Njeswačidło – Rakečanske ST II 2:2 (1:0)
Łaz/Bě. Chołmc – Ralbicy/Hórki II 3:0 (3:0)
1. HZ Wulke Ždźary 10 29 : 14 26
2. ST Radwor 11 36 : 16 25
3. HZ Łaz/Běły Chołmc 11 28 : 10 22
4. ST Ćisk II 11 22 : 11 22
5. Rakečanske ST II 11 17 : 22 17
6. Wojerowski FC II 11 20 : 29 16
7. ST Lubuš 11 18 : 16 15
8. FSV Łuty 11 21 : 18 14
9. LSV Hory II 11 20 : 22 14
10. ST Nadr. Hrabowka 11 17 : 24 13
11. Njeswačidło 11 19 : 21 11
12. Nowe Město n. S. II 11 9 : 26 11
13. LSV Bluń 10 15 : 21 8
14. Sokoł Ralbicy/Hórki II 11 14 : 35 4
wokrjesna wyša liga
Kulow – ST Kinspork/Łužnica 3:2 (3:2)
ST Wjelećin – Ralbicy/Hórki 3:2 (2:0)
1. ST Ćisk 10 39 : 4 30
2. Rakečanske ST 11 28 : 18 21
3. SC Großröhrsdorf 11 13 : 7 20
4. Motor Kumwałd 11 21 : 19 19
5. Módro-běli Kulow 11 25 : 18 18
6. Póst Germ. Budyšin 11 20 : 20 18
7. Sokoł Ralbicy/Hórki 11 28 : 15 17
8. ST Kinspork/Łužnica 11 26 : 20 16
