Pokiwy (23.08.17)
Poskitk wučerjam
Budyšin. Nowy poskitk Němsko-Serbskeho ludoweho dźiwadła „KuBiMoBil“ chcedźa jutře, štwórtk, wot 14 do 16 hodź. w Budyskim Dźiwadle na hrodźe wšitkim zajimowanym wučerjam předstajić. Z projektom podpěruja šulerske jězby do dźiwadła, muzeja abo druheho kulturneho zarjadnišća w kulturnym rumje Hornja Łužica-Delnja Šleska hač do 60 procentow a zwjazuja je z přewodźacym pedagogiskim poskitkom. Jutřiše informaciske zarjadowanje móža sej wobdźěleni wučerjo jako dalekubłanje wobkrućić dać.
Wobkuzłaca klasika zaklinči
Mortkow. Dalši koncert we wobłuku rjada „Wobkuzłaca klasika“ wuhotuje Serbski ludowy ansambl pjatk, 25. awgusta, w 19.30 hodź. na Mortkowskej Jakubecec twjerdźiznje. Tam zaklinča mjez druhim twórby Korle Awgusta Kocora, Detlefa Kobjele kaž tež Wolfganga Amadeusa Mozarta a Georga Friedricha Händela. Nowosć je, zo chór SLA sobu skutkuje. Tak móža mjez druhim twórbu Händela „Dixit Dominus“ prezentować.
Z kosu syc wuknyć
Pokiwy (22.08.17)
Na Maćičnu akademiju
Budyšin. Stawizniska sekcija Maćicy Serbskeje přeproša na dalše zarjadowanje, kotrež wotměje so štwórtk, 24. awgusta, w 19.30 hodź. w Budyskim „Wjelbiku“, na Žitnej 7. Tam přednošuje dr. Alexander Maxwell, stawiznar a docent Victoria-uniwersity w nowoseelandskim Wellingtonje, na temu „Serbšćina w słowjanskim swěće: taksonomija a napo- dobnjenje“. Přednošk budźe w němskej rěči, zastup je darmotny. Wšitcy zajimcy su wutrobnje witani.
Piknik a bjesada
Budyšin. Młodźinska idejowa konferenca Budyšina přeproša wšitkich zajimcow zajutřišim, štwórtk, wot 14 hodź. na Porschec łuki Při Bělenišćach (Bleichenstraße). Tam chcedźa zhromadnje sportować, grilować a na hudźbu słuchać. Při tej składnosći móže kóždy swoje ideje wo wuhotowanju sprjewineho města předstajić.
Přesadźuja howjada
Protyka (18.08.17)
Pjatk 18. do 24.8. Kamjenska Boršć
18. a 19.8. Sympozij a muzejowy swjedźeń składnostnje 60lětneho wobstaća Muzeja pod hołym njebjom na Lědach
15:00 Dźěłarnička „Šiće po přikładźe serbskeje drasty“ za młodostnych ze Steffi Hanušowej w Ralbičanskej šuli
18:30 Wubědźowanje wohnjowych woborow w Pěskecach
Sobotu 19. a 20.8. 41. swjedźenske hry w Brětni-Michałkach
Festiwal „Twaroh a lany wolij“ z rjemjeslniskimi pokazkami a serbskej kulturu w Bórkowach
10:00 Přistawowy dźeń w Złym Komorowje
10:00 Předstajenje nałožka jutrowneho třělenja w Berthelsdorfje
14:00 Koncert młodźinskeho dujerskeho orchestra z pólskeje Leśnicy we Wochožanskim parku błudźenkow
14:00 7. tomatowy dźeń w Stróžanskim biosferowym rezerwaće
14:00 Łapanje kokota w Janšojcach, Strobicach a Hochozy
15:00 Zabiwanje kokota w Smogorjowje
21:00 Wječorna hudźba w Budyskej tachantskej cyrkwi – Serbski ludowy ansambl předstaji program „Wobkuzłaca klasika“
Njedźelu 20.8. 9:30 Domiznowědne pućowanje po Stróži pola Rakec
10:00 Janšojski dujerski swjedźeń
10:00 Přehladka póstowych kartow a zhromadne pječenje w Kotmarječanskim młynje
Pokiwy (18.08.17)
Z kolesom podłu mjezy města
Budyšin. Wodźenje wosebiteho razu poskići jutře, sobotu, Muzej Budyšin. Jeho nawoda powjedźe wobdźělnikow z kolesom po měšćanskich mjezach a rozprawja při tym wo archeologiskich zajimawostkach a wjesnych chronikach. Po tym zo běchu w juniju wuchodne mjezy wotjěli, su nětko zapadne na rjedźe. Čara je něhdźe 35 kilometrow dołha. Zajimcy zetkaja so w 10 hodź. před měšćanskim muzejom. Tam budźe po něhdźe pjeć hodźinach tež zaso cil. Wobdźělnicy so sami z nachribjetnika zastaraja.
Zela w srjedźišću
Pančicy-Kukow. Na klóšterskej zahrodźe je njedźelu, 20. awgusta, tradicionalny zelowy swjedźeń. Ekumeniski nyšpor w 14.30 hodź., na kotrymž požohnuja zelowe kwěćele, swjećitaj propst Clemens Hrjehor z Kamjenicy a ewangelski wyši krajny cyrkwinski rada Dietrich Bauer z Drježdźan. Rjadniske sotry nutrnosć sobu wuhotuja. Přizamknu so zelowe wiki kaž tež koncert młodźinskeho dujerskeho orchestra z Leśnicy, Chróšćanskeje partnerskeje gmejny. Młodostni su tuchwilu w probowym lěhwje w Chrósćicach.
Na Maćičnu akademiju
Serbski spisowaćel Beno Budar (srjedźa sedźo) a předsyda zwjazka ...
Rozhłós (18.08.17)
njedźelu hornjoserbsce
11:00 Łužica tónle tydźeń
11:20 Dr. Timo Meškank a jeho
„priwatna kniha“
11:45 Serbski misionar a polarny
slědźer Jan Awgust Měrćink
12:00 Nabožne wusyłanje
(Wito Sćapan)
po tym zbožopřeća
delnjoserbsce
12:30 Aktualny magacin, mjez
druhim wo 700. róčnicy
Rubyna
13:00 Serbšćina po cyłym swěće
a w interneće
13:30 Nabožne wusyłanje
(Hartmut Leipner)
po tym zbožopřeća
W syći serbšćinu wuknu
Do kina (17.08.17)
17.8.2017 – 23.8.2017 Budyski filmowy palast: Bullyparade: wšědnje 14:45 (nimo pó), 18:15 a 19:45 (nimo srj) | srj 20:15 | pj a so 22:15 Mamma Mia!: srj 19:45 Bigfoot Junior w 3 D: wšědnje 17:15 Der dunkle Turm: wšědnje 20:30 | pj 22:30 | so 22:45 Emoji: wšědnje 14:45 (nimo pó) | nj 12:30 Emoji w 3 D: wšědnje 16:45 (nimo pó) Dunkirk: štw, so, nj a wu 20:15 | pj 23:00 Planet der Affen – Survival w 3 D: wšědnje 19:30 | pj a so 22:15 Ich – Einfach unverbesserlich: wšědnje 16:15 | nj 12:00 Valerian – Die Stadt der tausend Planeten: pj 20:15 | so 22:30 Das Pubertier: wšědnje 18:15 (nimo pó) Ostwind 3 – Aufbruch nach Ora: wšědnje 14:00 (nimo pó) a 16:00 (nimo pó) | nj 12:15 | pó 16:45 Bigfoot Junior: wšědnje 14:00 (nimo pó) | nj 12:00
Kino-ekstra: The Dinner: pó 17:15 a 20:15
Wojerowski CineMotion: Bullyparade: wšědnje 15:15, 17:30 a 19:45 | so a nj 13:00 | pj a so 22:40 Bigfoot Junior w 3 D: wšědnje 17:55 Bigfoot Junior: wšědnje 14:30 | so a nj 12:30 Happy Family: nj 15:00 Ein Chanson für Dich: srj 18:20 Baby Driver: wšědnje 20:00 Der dunkle Turm: wšědnje 18:20 (nimo pó) a 20:20 | pj a so 22:20 Planet der Affen – Survival w 3 D: wšědnje 19:50 Planet der Affen – Survival: wšědnje 17:05 | pj a so 22:00 Emoji w 3 D: wšědnje 16:00 Emoji: wšědnje 14:00 | so a nj 12:00 Alibi.com: pj 22:25 Dunkirk: so 22:25 Ostwind 3 – Aufbruch nach Ora: wšědnje 14:50 (nimo nj) | so a nj 12:35 Ich – Einfach unverbesserlich: wšědnje 16:25
Pokiwy (16.08.17)
Městna swobodne
Ralbicy. Drastu sej šić nawuknyć móža zajimowane holcy we wobłuku dźěłarnički ze Steffi Hanušowej pjatk a sobotu na Ralbičanskej starej šuli. Za to su hišće někotre městna swobodne. Zajimče njech přizjewja so pola kubłanskeje referentki Domowiny Rejzki Krügeroweje pod telefonowym čisłom 0152/ 3624 1635 abo e-mailnje pod adresu t.krüger @sorben.com. Wobdźělniče zetkaja so pjatk, 18. awgusta, w 16 hodź.
Namjety zapodać
Wojerecy. Za wosebity čestnohamtski angažement spožča město Wojerecy kóždej dwě lěće Čestnu jehłu Güntera Petersa. Wobydlerjo kaž tež towarstwa móža namjetować, kotra wosobina abo kotre towarstwo měło wuznamjenjenje lětsa dóstać. Namjety z krótkim wopodstatnjenjom přijimuja hač do kónca awgusta w běrowje wyšeho měšćanosty na Frentzelowej 1.
Płody a symjo měnjeć
Pokiwaj (14.08.17)
Na kofej do muzeja
Budyšin. Třeći raz přeproša Budyski Serbski muzej srjedu, 16. awgusta, w 15 hodź. na muzejowy kofej. Tónraz porěči wolontarka Serbskeho muzeja Mónika Ošikowa na temu „Burska zahroda něhdy a dźensa“. Zastup płaći 4,50 eurow.
Kak dale při jězoru?
Wojerecy. Swobodni wolerjo města Wojerec přewjedu srjedu, 16. awgusta, w 17 hodź. při Šibojskim jězoru wobydlersku rozmołwu. Tam chcedźa wo tym porěčeć, što su minjeny čas docpěli a kak ma z jězorom dale hić. Zajimcy su wutrobnje přeprošeni.
