Budyšin (SN/MWj). Na Mjezynarodnym dnju dźěsća přeproša zajutřišim, 1. junija, towarstwo Budyski měr wšitke dźěći na Hłowne torhošćo města. W 15 hodź. započnje so klankodźiwadłowe předstajenje za cyłu swójbu. W 17 hodź. přizamknje so program z dźěćacymi spě­wami. Nimo toho změja tam wjele poskitkow k hrajkanju a skakanski hród. Při wohenju móžeš sej ćěsto na kiju pjec.

Što dyrbi prawy wohnjowy wobornik wšitko móc a wědźeć, rozkładu samsny dźeń wot 10 hodź. w Hórnikečanskej energijowej fabrice. Tam přewjedźe ­Narćanska krajna wohnjowoborna šula zwučowanje ze swojim wjerćitym rěblom, štož móža sej mali a wulcy wopytowarjo wobhladać. Na to poskića pisany program kołowokoło wohnjoweje wobory.

Přednošk wo wjelkach a ekskursiju na jich slědach poskići zajutřišim wjelči kontaktny běrow w Rěčicach. Zajimcy zetkaja so w 10.30 hodź. při wjelčej bróžni. Wobdźělenje je darmotne, přizjewjenja přijimuja pod telefonowym čisłom 035772/ 46 762.

Spěwny wječork w „Bjesadźe“

Jaseńca. „Hdźež tam Serbja přichadźeja, serbski spěw sej zaspěwaja“ – z tymle hrónčkom z ludu přeproša nowe młodźinske towarstwo Serbska murja zajimcow, a to nic jenož młodych, sobotu, 27. meje, w 20 hodź. na spěwny wječork w Jasčanskej „Bjesadźe“.

Město wulce swjeći

Pjatk 26. do 28.5.  Budyske nalěćo

 26. do 27.5.  Piwarski swjedźeń w Lubiju

  19:00 Čitanje romantiskich stawiznow na Mortkowskej Jakubecec twjerdźiznje

Sobotu 27. a 28.5.  Srjedźowěkowski swjedźeń w Dešnjanskim domizniskim muzeju

  8:30 Domizniske wiki w Lubnjowje

  14:00 Mejemjetanje w Sernjanach

  14:30 Mejemjetanje w Hórkach

  20:00 Spěwny wječor ze skupinu Serbska murja w Jasčanskej „Bjesadźe“

Njedźelu 28.5. 9:00 Dźeń parkow a zahrodow na Kamjenskej Pastwinej horje

  9:00 1. swjate woprawjenje w Kulowje

  9:30 1. swjate woprawjenje w Pančicach-Kukowje

  10:00 Hudźbne dopołdnjo na Trjebinskim Šusterec statoku

  10:00 Dźeń wotewrjenych chěžow ze stołom w Zhorjelskim wokrjesu

  10:00 Dźeń kamjenjow we Wochožanskim parku błudźenkow

  11:00 Hudźbno-literarna matineja z prapremjeru Jana Cyža na Wojerowskim hrodźe

  14:00 Nakupowanska njedźela w Kamjencu

  15:00 Hudźba na kolesach – „Der Freischütz“ při hosćencu na Kamjenskej Pastwinej horje

Póndźelu 29.5. 10:00 Předstajenje klankodźiwadła NSLDź „Ferkel, hunčo a prosetko“ we Wětošowskej pěstowarni

  19:00 Staršiska zhromadźizna ze zastupjerjemi nawodnistwa CSB w Njebjelčanskej pěstowarni

Njedźelu hornjoserbsce

11:00 Łužica tutón tydźeń, mjez druhim z přehladom powěsćow tydźenja

11:20 Klóšter jako hospodarski kompleks

12:00 Nabožne wusyłanje

 (Gabriš Nawka)

po tym zbožopřeća

delnjoserbsce

12:30 Aktualny magacin, mjez druhim wo awstralskich hosćoch we Łužicy

13:00 Zasłužbny serbski prócowar Herbert Cerna z Gorow

13:30 Nabožne wusyłanje

 (Hartmut Leipner)

po tym zbožopřeća