Zwjazk spěchuje Meta Solis
Nowa zběrka a wječor na česć Budarja
Wo knihach a kniharni (13.03.26)
Štó z nas njeswjeći rady jubileje? Wšojedne hač w zjawnym kruhu abo tež jenož mjez swojimi – rady spominamy při tajkich składnosćach na zašłe podawki, zhromadne dožiwjenja abo tež na to, što smy zdokonjeli. Ze słowami kaž „Wěš hišće ...“ abo „Hdy by ...“ so zwjetša do dopomnjenkow zanurimy. Hdyž by Beno Budar hišće žiwy był, by lětsa 19. měrca swoje 80ćiny woswjećił a by so nic jenož na swjedźenju na wšěch smjał a jim wutrobu hrěł. Što drje by nam ludowy awtor powědał?
Jeho słowa su nam bohudźak w mnohich knihach, antologijach a dalšich spisach zachowane, a někotryžkuli wupłód jeho pjera steji na knižnej polcy doma. Njech su na př. mjenowane jeho prěnička, zběrka basnjow „Mikus a Dajkus“, monologi a skicy „Mjez nami prajene“ z časa přewróta abo jeho zběrka „Sym měła tajki strach“, w kotrejž je zhromadźił wosudy serbskich žonow za čas Druheje swětowejewójny. Sama namakach njedawno doma w swojim knižnym regalu antologiju z jeho awtogramom. Wěnowanje bě mi wosebity pohon, sej knihu znowa přečitać.
Šulerki premjerny publikum zahorili
Budyšin (SN/bn). „Princesna Dźamila“ rěka nowa inscenacija, kotruž je Serbske dźěćace dźiwadło při Němsko-Serbskim ludowym dźiwadle wčera premjernje předstajiło. Publikum na wupředatej wulkej žurli Budyskeho Dźiwadła na Hrodźe mytowaše wukon dohromady 15 hrajerkow z hrimotacym přikleskom. Holcy su šulerki Serbskeho gymnazija Budyšin, Serbskeje wyšeje šule Worklecy, Serbskeje zakładneje šule Ralbicy, Serbskeje zakładneje šule Pančicy-Kukow a Serbskeje zakładneje šule Budyšin. Aplaws zasłužichu sej zdobom režiserka Petra-Marija Bulankec-Wencelowa, wuhotowarka Sandra Viola Gellert, dramaturg John Petrik, dźiwadłowa pedagogowka Christina Wernerowa kaž tež Beata Nastickec (pedagogiski dohlad) a Tasso Schille (hudźba).
Přeje sej wjace serbskeje kultury w měsće
Spisowaćelka Christine Ruby ma wjele idejow, kak móhli Drježdźansku scenu wobohaćić
Drježdźanska spisowaćelka Christine Ruby je hižo dołho kruty hłós regionalneje literarneje sceny. Mjeztym zo bě něhdy „připódla“ pisała – mjez powołanjom a wšědnym dnjom – steji pisanje dźensa w srjedźišću jeje žiwjenja. Jeje teksty buchu we wjacorych antologijach wozjewjene a wona je samo swójskej knize wozjewiła. Tež w Serbskich Nowinach bě wona prezentna. Na čitanjach, kiž so na mnohich městnach wotměwaja, Christine Ruby swoje stawizny ludźom bjezposrědnje posrědkuje.
Sta šulerjow swjeća slěborny jubilej
Budyšin (SN/bn). Němsko-Serbske ludowe dźiwadło wuhotuje lětsa mjeztym 25. raz Swětowy dźeń šulerskeho dźiwadła. „Znowa smy cyłe město okupowali. Dohromady něhdźe 600 hrajerkow a hrajerjow předstaji cyłkownje 33 inscenacijow na dwanaće Budyskich jewišćach“, intendant NSLDź Lutz Hillmann předwčerawšim we wobłuku nowinarskeje rozmołwy (SN rozprawichu) rjekny. Z tym připowědźi „jubilejne zetkanje šulerskeho dźiwadła, kotrež je najwjetše swojeho razu w Němskej“. Pod patronatstwom ministerskeho prezidenta Sakskeje Michaela Kretschmera a dr. Romy Reinisch, přirjadnicy wokrjesa Budyšin, wotměje so wone póndźelu, 30. měrca. Předstajenja su zdarma přistupne, cyłkownje liča ze znajmjeńša 3 000 wopytowarjemi.
110 000 eurow za třěchu sotrownje
Wulke wjeselo pola towarstwa Sotrownja Mały Wjelkow z.t.: Etatowy wuběrk Zwjazkoweho sejma Němskeje je minjenu srjedu spěchowanje we wysokosći 110 505,37 eurow za ponowjenje historiskeje sotrownje w Małym Wjelkowje wobzamknył.
Serbske jutry na Budyskim Hrodźe
Małe šerjenje serbsce wušło
Kóždu nóc małe šerjenje zdypkom w dwanaćich wotuća. Wjesele šeri w Sowinje po hrodźe a wopytuje swojeho přećela. To je šubut Šuhu, kiž bydli w dudławym dubje. Tola małe šerjenje wo tym soni, kak rjenje by było, móhło-li swět raz wodnjo dožiwić. Jenož jónu!
60 lět tomu lětsa je, zo bě kniha „Małe šerjenje“ prěni raz w nakładnistwje Thienemann wušła. Mjeztym bu stawizna do znajmjeńša 44 rěčow přełožena. Nětko je hornjoserbsce w nakładnistwje Veles wušła. Přełožiła je ju Rejza Šěnowa.
Zarjaduja nowy onlinowy wobchod
W Ludowym nakładnistwje Domowina (LND) mějachu minjeny tydźeń ćeže z internetnymi stronami. Potrjecheny bě serwer, na kotrymž su webstrony třoch publikacijow – Serbskich Nowin, Noweho Casnika a Rozhlada – zaměstnjene.
Budyšin (SN/BŠe). Internetne strony redakcijow LND w Budyšinje njeběchu minjeny tydźeń srjedu přistupne. „Mějachmy ćeže z našim serwerom, kotryž bě drje so při updatowanju ‚zasrěbnył‘“, wuswětli jednaćel nakładnistwa Syman Pětr Cyž. Z pomocu fachowcow pytachu zamołwići w domje za přičinu wupada. Štwórtk rano běchu wšitke tři internetne strony zaso přistupne.
