Nabožno-narodna tradicija bohate płody njese
K 75. jubilejej Serbskeho ewangelskeho cyrkwinskeho dnja
19. a 20. junija woswjeća ewangelscy Serbja w delnjołužiskim Mosće swój mjeztym 75. cyrkwinski dźeń. Jubilej je składnosć, sej krótki přehlad wo stawiznach kóždolětneho nabožneho zetkanja tworić.
Zrodźeny 1947 we Wojerecach
Zrodźiła je so mysl w powójnskim času we Wojerecach, hdźež wotmě so prěni serbski cyrkwinski dźeń póndźelu, 3. nowembra 1947, zo bychu so cyrkwinsko-politiske naležnosće rozjimali. Dźěše wo wozrodźenje serbskeho cyrkwinskeho žiwjenja w sakskej a šleskej cyrkwi po Druhej swětowej wójnje, wosebje wo zakonske rjadowanje, wo natwar serbskich cyrkwinskich strukturow a wo wobsadźenje wosadow ze serbskimi fararjemi. Cyle w znamjenju tutych zaměrow steješe tež druhi cyrkwinski dźeń 26. meje 1948 w Bukecach, na kotrymž so krajny biskop Hugo Hahn wobdźěli a hdźež Serbja, podpěrani wot předsydy Domowiny Pawoła Neda, jasne žadanja na cyrkwinsku wyšnosć w Sakskej stajachu.
Zhladuješ hinak na wšědne wužadanja
Wažnosć a spomóžnosć masažow hižo w starowěku jako bytostnej za strowotu wobhladowali
„Swoje ćěło dyrbiš sej česćić, zo by so duša w nim derje čuła“, wědźeše hižo w 16. lětstotku Terezija z Ávile w Španiskej. To bě, je a wostanje tež kredo Ralbičanki Marije Wjeselineje, kotraž so mjeztym dokładnje lěto z wellnessowymi masažemi wo derjeměće a strowotu ludźi stara.
Stajnje hižo socialnje zmyslena
Hižo jako šulerka w Chrósćicach a lěto w Čornej Pumpje bě stajnje pozitiwnje na swojich sobušulerjow a wučerjow zhladowała, štož je tež jeje zadźerženje wotpowědnje wobwliwowało. Stajnje přećelna, pomocliwa a z dobrym wotzamknjenjom 10. lětnika studowaše wona pjeć lět na Serbskej fachowej šuli za socialnu pedagogiku w Budyšinje. Po wuspěšnym zakónčenju dźěłaše w někotrych pěstowarnjach jako kubłarka.
Prawy a dobry rozsud
Jurij Wićaz – hibićiwy serbski reporter a přełožowar – Na ...
W serialu „Na serbskich slědach po Praze“ wjedźe Pražan Marek Krawc čitarjow na městnosće w čěskej stolicy, kotrež maja za nas Serbow wulki wuznam. Dźensa: Wo Serbje Jurju Wićazu
W Praskim měšćanskim dźělu Žižkov, blisko Olšanskeho naměsta, rozpřestrěwa so jedyn z najrjeńšich Praskich pohrjebnišćow – Olšanský hřbitov. Areal je jedyn z mało měrnych blakow w harowatej, hektiskej Praze, zelena oaza mjez hłownymaj dróhomaj, za jednym z njeličomnych nakupowanišćow wulkoměsta. Tale městnosć wěčneho měra a wopomnjeća ze swojimi zróstnymi štomami njeje jenož přijomne wuchodźowanišćo, je to zdobom najstarše a z 25 000 rownišćemi, 65 000 rowami a dwěmaj łukomaj za posledni wotpočink najwjetše fararjec ladko w čěskej stolicy – haj samo po cyłym susodnym kraju.
Direktne zwičnjenje je sylny trumf
Rězak a připrawa za drjewowe wuhlo tworitej we Łazu zdobom nowe dźěłowe městna
Hoberska skutkuje 20 króć 40 metrow wulka rězakowa hala na Łazowskim přemysłownišću. Loni kónc oktobra su probowy přeběh zahajili, wot měrca tam nětko z połnej paru dźěłaja. Wulce kompleksna to technika, kaž jednaćel Łazowskeho rězaka tzwr André Sauer wujasnja. Mašiny dyrbja porjadnje programěrowane a nastajene być, štož žada sej nazhonitosć, zdobom sćerpnosć a zaměrnosć. „Nam je to wužadanje. Móžemy ze štomow jako ryzy drjewa wulku paletu produktow zhotowjeć, wot třěšnych łatow hač k truženej tworje, kaž na přikład deski za terasy“, wuswětla nawoda rězaka Robin Noack.
65. róčnica poswjećenja pomnika Michała Hórnika we Worklecach
Před 65 lětami, dokładnje 10. smažnika 1956, poswjećichu we Worklecach pomnik našemu sławnemu wótčincej Michałej Hórnikej. Tón dźeń njedźelu, zeńdźechu so w dešću sta Serbow a črjódka Němcow k swjatočnosći.
Swjedźensku narěč dźeržeštaj kapłan Jurij Herman-Chróšćanski a Jurij Žur-Ralbičanski. Poswjećenje wobohaći župny chór pod nawodnistwom knjeza wučerja Jana Krala. Hižo wjacore lěta běše so župa „Michał Hórnik“ na tutón dźeń hotowała. Njebě dźě lochko za pomnik přijomne městno namakać, byrnjež wjacore instancy wo tym rozmyslowali a rěčeli. W přitomnosći znateho serbskeho wuměłca Měrćina Nowaka-Njechorńskeho rozsudźichu so něhdźe lěto do toho za přijomne a kmane městno w ródnej wsy Michała Hórnika we Worklecach.
Hórnikowy pomnik steji na rjanym čistym zelenym blečku na wječornej stronje wsy, kotrehož podobiznu bě zhotowił Drježdźanski čłon Koła serbskich tworjacych wuměłcow Konrad Zenda.
Přehlad hosćićelskich wosadow 1947 – 2021
HORNJA ŁUŽICA –
WOSADY SAKSKEJE CYRKWJE 46
Bart 1962, 1997
Budestecy 1959, 1965, 1992
Budyšin 1955, 1977, 1983
1996, 2002, 2010, 2019
Bukecy 1948, 1966,
1980, 2005, 2015
Hodźij 1953, 1970,
1988, 2006, 2018
Hrodźišćo 1975, 1987
Huska 1973, 1986, 2012
Chwaćicy 1981
Klukš 1951, 1971
Malešecy 1957, 1990
Minakał 1960, 1979, 2000
Njeswačidło 1949, 1968,1976,1994
Poršicy 1964, 1984, 2003
Rakecy 1954, 1974, 1989, 2008
HORNJA ŁUŽICA –
WOSADY ŠLESKEJE CYRKWJE 24
Blunjo 1969
Čorny Chołmc 2004
Delni Wujězd 1956, 2013
Klětno 1995
Łaz 1950, 1972, 1982, 2001
Slepo 1958, 1967, 1991,
2011, 2016
Wochozy 1952, 1999
Wojerecy 1947, 1963,1978,
1993, 2007, 2014, 2020
Wulke Zdźary (1948), 1985
DELNJA ŁUŽICA 5
Bórkowy 1961
Brjazyna 1998
Kórjen 2009
Móst 2021
Tšupc 2017
zestajała: Trudla Malinkowa
Lotka a Sophia pola frizera
Lube dźěći, tež włosy Lotki rostu, su woprawdźe dołhe. Tohodla je šła k frizerce Rafaeli Lanzynej w Šunowje. Wona swoje powołanje z wulkim wjeselom wukonja, a to mjeztym hižo třiceći lět. A jako so ju Lotka na stólcu sedźo wopraša, što je so jej hdy najbłudniše stało, powědaše Rafaela Lanzyna slědowacu stawiznu: „Jednu sobotu mějach wulki nadawk. Dyrbjach hnydom dwěmaj njewjestomaj włosy za jeju wosebity dźeń frizěrować. Druha njewjesta pak bydleše daloko preč, a tak njesmědźeše ničo křiwje hić. Běch drje dypkownje w Stołpinje, ale sym włosace spinki zabyła! Što nětko? Pósłach swoju wučomnicu po cyłym Stołpinje, zo by so pola ludźi za tajkimi spinkami prašała. Na zbožo zetka wona staršu damu, kotraž někotre spinki měješe, a njewjesta je na kóncu wulkotnu frizuru měła.“ Chceš-li tež ty wosebitu debjenku za włosy měć, napleć sej wěnc, na přikład z husacych kwětkow. Njewěš, kak? Da pohladaj na Youtubekanal: Lotka a Sophia pod widejom „My smy najrjeńše“. Lubje strowitej Lotka a Sophia
Prěni króć meju mjetali
Přewšo rjane dožiwjenje mějachu dźěći Kulowskeje pěstowarnje swj. Marije posledni pjatk minjeneho měsaca. Prěni raz wěnowachu so tam rjanemu nałožkej a su meju mjetali.
Serbske dźěći jěžikoweje skupiny běchu so ze swojej kubłarku Mandy Brösanowej derje přihotowali. Wšitke pjatnaće dźěći bě swjedźensce zwoblěkanych.
K zaćahej spěwachu „Štóž je rady wjesoły, pola nas je witany“. Prjedy hač meja padny, pokaza wosom porow – kubłarka bě sobu zapřijata – wokoło meje rejujo někotre nazwučowane rejki.
Tež w Domje Lutkow meja padnyła
Pyšna meja je wot 30. apryla zahrodu Ćišćanskeje pěstowarnje pyšiła. W Domje lutkow rady serbske nałožki pěstuja, a tak su so dźěći srjedź minjeneho měsaca zetkali a su wokoło meje „Šewca“ a „Wjerću so“ rejowali. Tež „We wsy meja steji“ su spěwali. Z kubłarku Susann Domanjowa su ceremoniju wotewrěli. Běše nimale tak, kaž to młodostni činja. Kubłarka Anne Brosig je meju skónčnje powaliła, a hižo smalachu hólcy předšulskeje skupiny za mejskim wjerškom. Najspěšniši běše Jonas Landskron, a wón wuzwoli sej Emelie Čižikec za swoju mejsku kralownu.
Johann Tesche
RadwoR
Skupinski wobraz jako
wikingojo – młodźina
je na mejemjetanju přeco jara kreatiwna.
W času koronapandemije su młodostni staršim Radworskim wobydlerjam wulka pomoc. Wšako jim na přikład trěbne wšědne twory wobstaruja. Fota: dawid wowčerWe wobłuku mejemje-
tanja maja Radworčenjo stajnje chłóšćenku za wjesnjanow. Předrasćeni pokazuja jim mały, ale zdźěla spektakularny
program.
Mejemjetanje je Radworskej młodźinje najwjetši wjeršk lěta.
Loni su serbsku tradiciju samo
w syći live streamowali.
Radworscy młodostni běchu minjene lěta w socialnych syćach a medijach chětro prezentni. Tak běchu a su nadal jara aktiwni a so wosebje tež za hajenje a zdźerženje serbskeje rěče a nałožkow zasadźeja.
Jakub Langa wjedźeše rozmołwu
z Dawidom Wowčerjom.
Serbske młodźinske kluby 5. dźělKelko čłonow sće tučasnje w młodźinje, a kajka je konstelacija mjez holcami a hólcami?
D. Wowčer: Tučasnje mamy 55 čłonow w klubje, z nich je wosom holcow.
Štó wšo do předsydstwa słuša, a kak často je nowe woliće?
