Ćěsliske a blidarske kmanosće wušikneho wuměnkarja su dale jara ...
Rentnar a što potom – wuměnkarsku swobodu wužiwać abo wužadanje přiwzać (31)
Něchtóžkuli ma doma na łubi, w pincy abo w kólni stary kamor abo tež dodźeržanu lódku stejo. Mnozy tajke meble preč ćisnyć nochcedźa. Wšako jich z nimi tójšto dopomnjenkow na přikład na dźěda, wowku abo zdalenišich prjedownikow zwjazuje. Do jstwy stajić pak dodźeržany mebl hižo njemóžeš. Derje ma so potom tón, kiž ma w přiwuznistwje abo w přećelskim kruhu wušikneho wuměnkarja, kaž je to Njebjelčan Beno Bjeńš.
Před sydomdźesat lětami so Beno Bjeńš w Sernjanach narodźi. Jeho nan Jurij bě znaty a prašany ćěsla. Wón dźěłaše tehdy za twarsku firmu Zimmer a pozdźišo tež Korjeńkec zawod. Tam sej jeho jara česćachu, ale tež w domjacej dźěłarni po swjatoku wědźeše wustojnje trěbne wobdźěłanje drjewa za susodow a znatych jim kwoli zdokonjeć. Beno, jako najstarše ze šěsć Bjeńšec dźěći, bě wot časa dźěćatstwa po potrjebje nanej k pomocy. Tak je za šulski čas w Dobrošicach a hač do lěta 1964 w Róžeńće sej hižo wjele blidarskich znajomosćow přiswojił, runje tak kaž trěbne kajkosće wutrajnosć, sćerpnosć a dokładne dźěło.
„To je najrjeńši job na swěće“
Z Njebjelčic pochadźaca Yvonne Tatzelowa sej ze swójskim wobchodom za njewjesćinsku modu són spjelniła
W dojutrownym času móžachu pasanća we wobchodźe za njewjesćinsku modu Yvonne Tatzeloweje „Ateljej njebjesa“ na Budyskej Seminarskej figurinu w družčej drasće wobdźiwać. Wonu drastu bě mějićelka wobchoda jako dźěćo sama k wosebitym přiležnosćam zhotowana. Byrnjež z ryzy serbskeje swójby njepochadźała, je wona ze serbskosću a z nałožkami a tradicijemi Serbow wobdata wotrostła. Wowka da jej družču narodnu drastu šić. Yvonne Tatzelowa, kotraž je so we Worklecach narodźiła a w Njebjelčicach wotrostła, je sej ju na Bože ćěło kaž tež na putnikowanja do Róžanta woblěkała.
Dwurěčnosć dźěćom lěpšina
Ze wšědneho dźěła w ateljeju Yvonne Tatzelowa wě, zo su so ryzy serbske kwasy skerje ze žadnostku stali. Nic cyle tak njewšědne pak mjeztym je, zo ma njewjesta tradicionalny běły šat, jeje młodźi žónscy hosćo pak jako družki w swojej drasće přichadźeja.
Wěstota a strowota dźěławych matej w kóždym padźe absolutnu ...
Dźensa 53lětny Michał Młynk, po powołanju zamkar, je tež hižo jako třěchikryjer dźěłał a so před wosom lětami w Riesy na twarca wětrnikow kwalifikował. Swoje dźěłowe městno ma wón na morju.
Wuměnjenje, zo móžeš tajke dźěło scyła wukonjeć, je, zo sy ćělnje strowy a njechabłaty, štož rěka, zo so ći ženje njewjerći. Michała Młynka nastupajo tomu tak bě a bohudźak tež hišće je.
Twarnišćo na morju
Jako twarc wětrnikow prěni raz zasadźeny bě Šunowčan za předewzaće WKA Fehmarn na runje tak mjenowanej třećej najwjetšej kupje Němskeje w Baltiskim morju.
Stara-nowa knižna polca
Znajeće wy knihi, kotrež staj wašej staršej hižo čitałoj? Abo powědaja wo dyrdomdejstwach, hdyž su z kapsnej lampu pod poslešćom w knize čitali? Dźensa chcu wam jednu z nich předstajić. Pohladajće raz, hač steja hišće pola was doma na knižnej polcy. Snadź maće raz lóšt, tajku staru knihu čitać. Mać a nan staj potom zawěsće překwapjenaj. Tak móžeće wo času, hdyž staj wonaj hišće do šule chodźiłoj bjesadować.
Wroblik Frido zaso tu!
Słónčko nětko nadźijomnje z nami dźeń a lěpje měni. Wšako, wy wšitcy na ćopłe nalětnje dny čakaće, abo? Nažel pak wěšći nam wjedrowa žaba znowa skerje hišće chłódne dny. Što činić, hdyž z njebja kapa a wětřik wokoło wuši duje?
Prěni króć k blidu Božemu přistupili
Lětsa je wšitko hinak – samo prěnje swjate woprawjenje. Hačrunjež mamy přeco hišće pandemiju, bě njedźelu w Chrósćicach wo tym lědma něšto začuwać. Dźěći běchu přiwšěm najprjedy chětro napjate, ale přewšo zbožowne. Cyłe lěto je so 39 dźěći z Chrósćic a Worklec na tónle wosebity swjedźeń přihotowało a nětko w Chróšćanskej cyrkwi swj. Symana a Judy prěni króć k blidu Božemu přistupiło. Najprjedy swjećachu kemše za Chróšćanske, po tym dalše za Worklečanske a skónčnje hišće jedne za němskorěčne prěnjowoprawjenske dźěći. Wosadny farar Měrćin Deleńk je jim woblatko do ruki połožił. 15 holcow bě družču drastu zhotowane, a mnohe žony, wosebje maćerje, su w swjedźenskej drasće na Božu mšu přichwatali. Najrjeńšo drje bě, zo su dźěći krasny swjedźeń dožiwili. Wo to postarali běchu so jich starši, dźědojo, wowki, kmótřa a dalši. Za to jim wšitkim „zapłać Bóh“!
Milenka Rječcyna
Pančicy-kukow
Młodźina renowěruje
swój klub.
Předsydstwo młodźiny: městopředsydka Alena Šołćic, předsyda Richard Hawš a pokładnica Anne Cyžec Předsydstwo kluba: předsyda Jonas Pjetaš, pokładnica Tereza Zelnakec a městopředsyda Krystof Cyž Fota: Richard Hawš (1), alena šołćic (1), jakub langaWjes Pančicy-Kukow je drje jedna z najwjetšich w Serbach, njeměješe pak w minjenych lětach žadyn prawy młodźinski klub. Nětko so tam młodostni kołowokoło Richarda Hawša znowa organizuja. Jakub Langa je so z předsydu kluba rozmołwjał.
Serbske młodźinske kluby 4. dźělKelko čłonow tučasnje w młodźinje sće, a kajka je konstelacija mjez holcami a hólcami?
R. Hawš: Smy 54 čłonow, a mamy někak runowahu mjez holcami a hólcami.
Štó wšo słuša do předsydstwa, a kak husto je woliće?
Skupina Astronawt chětro pilna
Meju sćicha stajili ...
Fota: Feliks Haza, Konstantin
Hrjehor (2)
Pjatk, 7. meje 2021SERBSKE NOWINY – KÓNCTYDŹENSKA PŘIŁOHA
