Jedyn z party-wjerškow Lipšćanskeho studentskeho žiwjenja su bjezdwěla  

lětnje póstnicy w tak mjenowanym „Werk 2“. Dokelž dyrbješe tuta party w minjenymaj lětomaj pandemije dla wupadnyć, bě před­wjeselo tónraz wězo ćim wjetše. Sorabičenjo běchu lětsa wosebje aktiwni a předstajichu tam pisany program, hrajachu skeče abo pokazachu reju. Mjez druhim zahra kapała ­Holaski. Hač do ranja dźěše

póstniska party dale.

Jurij Bjeńš

Hižo před třomi tydźenjemi swjećachu młodostni wot pjatka do njedźele wulki barowy swjedźeń ze spěwnym wječorom, Malle-party, pitnymi hrami (hlej foto) abo z rań­šim piwkom a Chróšćanskimi muzikantami. Z tak mjeno­wanym „Čiń sobu!“-fondsom tónle event financowachu a dokelž tež wjacore sta hosći přichwatachu, běchu Ra­dwor­čenjo z festiwalom chětro spokojom. Hižo přichodny tydźeń je w Radworju za młodostnych dalši wjeršk při­hotowany, hdyž wočakuja na Beerpong-turněrje wjacore mustwa ze serbskich a němskich wjeskow. Jakub Wowčer

Dz  ewjeć króć twjerdši a najtwjerdši metal, rozdźělnaj spěwy-

twórcaj a psychedelisku popołdnišu hudźbu posrědkowacy DJ – 23. Nukstock openair bě hižo ryzy hudźbnje dosć wotměnjawy ­festiwal. Njehladajo chabłacych temperaturow a někotreježkuli ­krjepjelki z njebja je dohromady něhdźe 350 wopytowarjow – nimo takrjec stajneho publikuma z Łužicy a Němskeje běchu mjez nimi wospjet tež hosćo z Pólskeje, Słowakskeje a Běłoruskeje – předpo­sledni awgustowy kónc tydźenja do Nuknicy přichwatało, zo bychu na přikład deathmetalej lokalnych matadorow Domination Overload, za (post) blackmetal chětro sferisce agěrowacym Słowakam Autumn ­Nostalgie a /abo preciznej brutaliće Nižozemjanow Bodyfarm hołdowali, so wě třaso hłowy a włosy. Nowum na jewišću blisko Kopšinjanskeho hrodźišća bě wustup skupiny Aptera z Berlina – ryzy žonjaca wobsadka dźě je w heavy­metalu (hdyž nic w popularnej hudźbje scyła) nadal rědki zjaw.

Mjez něhdźe dwa­ceći sobu­skutkowacymi festiwala ­„Meta Solis“ bě Radwor­čanka Antonija ­Wjeselic. 20lětna zakón­či tuchwilu swo­je wuku­bła­nje na medijowu a grafikowu designerku w Drježdźanach. Nimo wulkeho zajima za fotografiju wona we wólnym času rady jě­cha a so ze swojimi přećelemi zetkawa.

Lětsa bě prěni króć do přiho­tow ­Meta Solis zapřijata. „Tema a inten­cija festiwala pak mje hižo dlěje ­zajimujetej. Z konserwatiwnymi ­na­la­dami njemóžu so tak prawje iden­tifikować“, wona zwuraznja. ­Wabili běchu ju móžnosće, so na přihotach festiwala kreatiwnje wu­spytać móc. „Mam ideju, tajku party organizo­wać, za dobru. Ta słuži mjezsobnej wuměnje a nic w prěnim rjedźe wu­zbytkowanju profita.“