Aktiwne a wuspěšne
Wona derje wě, hdźe klaca
W twarjenju Domowiny na Wojerowskej Drježdźanskej maja serbske towarstwa a Domowinske skupiny nowu partnerku. Sonja Hrjehorjowa je 1. nowembra nowe wužadanje jako rěčnica třěšneho zwjazka za teritorij Wojerowskeje župy „Handrij Zejler“ přewzała, wšako bě so předchadnica Christina Šołćina na wuměnk podała. Nachwilnje pak tam nowu rěčnicu cyły čas njezetkawamy, dokelž ma najprjedy swoje skutkowanje jako projektowa managerka Domowiny dokónčić.
Naslědnistwo zaručene
Budyšin (SN). Marcel Brauman budźe nowy nowinski rěčnik a referent za zjawnostne dźěło Domowiny a naslěduje 1. januara 2020 Borboru Felberowu, kotraž póńdźe kónc lěta na wuměnk. Wo tym je třěšny zwjazk serbskich župow a towarstwow wčera informował.
Marcel Brauman, kiž dźěła w samsnej funkciji wot lěta 2000 za frakciju Lěwicy w Sakskim krajnym sejmje, narodźi so 1963 w Hamburgu a přisłušeše tři lěta katolskemu rjadej „misionarow z Mariannhilla“. Wobšěrne powołanske nazhonjenja přiswoji sej mjez druhim jako swobodny žurnalist, reporter a nawoda redakcijow we Würzburgu a Berlinje, jako awtor dalšich publikacijow a jako w dwurěčnej Łužicy znaty blogowar Piwarc. Brauman je jako čłon Zwjazkoweho předsydstwa a prezidija Domowiny, předsyda kubłanskeho wuběrka a wot lěta 2018 župan Wojerowskeje župy w serbskim žiwjenju hłuboko zakótwjeny.
W Domowinje česća sej jeho kompetencu, kreatiwnosć a angažement předewšěm na polu nowych medijow.
Nowowobsadźenje městna bě Domowina w lěću wupisała.
Wojerecy maja so z „Lipskom Łužicy“ stać
26. oktobra před dokładnje lětom bu Marcel Brauman za župana Wojerowskeje župy „Handrij Zejler“ wuzwoleny. Regionalny zwjazk třěšneho zwjazka serbskich towarstwow ma tuchwilu něhdźe 800 čłonow a 20 sobustawskich towarstwow a dalšich skupin.
Po lěće w načolnym čestnohamtskim zastojnstwje je 56lětny we Łuze (Luga) pola Njeswačidła bydlacy Brauman na prašenja žurnalistki Silki Richter wotmołwił a z njej zhromadnje do zańdźenosće kaž tež do přichoda hladał.
Mnozy ludźo maja zaćišć, zo wot časa Wašeho wuzwolenja za župana Wojerowskeje župy hinaši, čerstwiši wětřik duje ...
Na wólby princowskeho pora
Towarstwo Stup dale ma nowu předsydku
Drježdźanske serbske towarstwo Stup dale ma nowu předsydku. Jadwiga Pjacec je zastojnstwo dr. Andreasa Klugi přewzała. Wón budźe ju přichodnje jako naměstnik podpěrać.
Drježdźany (SN/BŠe). Lětdźesatk towarstwo Stup dale mjeztym wobsteji. Přez lěta bě Andreas Kluge předsyda towarstwa, je pak zastojnstwo nětko złožił. Minjenu srjedu wuzwolichu sej čłonojo towarstwa na swojej hłownej zhromadźiznje Jadwigu Pjacec za nowu předsydku. Mać dweju dźěsći bě minjeny čas hižo wjacore zamołwitosće přewzała a chce so z nowymi idejemi dale za serbskosć w sakskej stolicy angažować. Wšako widźi towarstwo „jako cyłk, kotryž móže wjele docpěć“. Tuchwilu ma Stup dale něhdźe 45 čłonow, byrnjež wjacore sta Serbow w Drježdźanach bydlili.
Konkurenca wožiwja
Horjany 25 lět wobstaća swjećili
Nowoslicy (SN/JaW). Kapała Horjany je wčera z wjac hač 200 fanami, podpěraćelemi a wězo swójbnymi a lubowarjemi dujerskeje hudźby w Nowosličanskej kulturnej bróžni swoje 25lětne wobstaće swjećiła. Napadnyło je, zo bě tež tójšto młodostnych přišło.
Z dwuapołhodźinskim programom, w kotrymž předstajichu nimo dujerskich štučkow tež šlagry, dźakowachu so Horjenjo swojim fanam za krutu swěru. Tež swojim mandźelskim a partneram so dźakowachu, wšako su hudźbnicy často we Łužicy kaž tohorunja we wukraju po puću. Wosebity dźak pak wuprajichu swojim staršim. „Woni su zakład za to połožili, zo smy dźensa tak wuspěšni. Sće nas wobstajnje pohonjeli, předewšěm k zwučowanju. Za to wam wutrobny dźak!“, rjekny trubkar, spěwar a moderator kapały Uwe Macka.
Cyrkwinski chór Njebjelčanskeje wosady swj. Měrćina je wčera pod ...
Tež klětu planuja dalše wjerški w towarstwje
Na dosć wobšěrne lětuše skutkowanje móže Serbske ewangelske towarstwo zhladować. Nimo toho hotuja so na 200. narodniny fararja dr. Jaroměra Hendricha Imiša.
Hodźij (SN/MkWj). Serbske ewangelske towarstwo bě swojich čłonow na lětušu hłownu zhromadźiznu wčera do Hodźija zwołało. Tam je jedyn z přewšo zasłužbnych ewangelskich duchownych pochowany, kotrehož 200. narodniny lětsa swjećimy. Wotpowědnje tomu su so do zhromadźizny na kěrchowje při Hodźijskej cyrkwi zhromadźili a Imiša z nutrnosću, dujerskej hudźbu a kwěćelom počesćili. Imiš bě wot 1859 nimale 40 lět spomóžnje w Hodźiju skutkował a mjez druhim Maćicu Serbsku sobu załožił.
