Wotmołwa na małe naprašowanje mjenuje 20 registrowanych njeskutkow
Berlin (SN/at). „Sym wjesoła, zo zwjazkowe knježerstwo znjeměrnjenych serbskich zastupjerjow hladajo na rjad wot pozdaću prawicarsce motiwowanych serbonjepřećelskich podawkow chutnje bjerje.“ Tole rjekny Ulla Jelpke, zapósłanča zwjazkoweho sejma a nutřkopolitiska rěčnica frakcije Lěwicy, po tym zo bě tele dny wotmołwu zwjazkoweho ministerstwa nutřkowneho na swoje małe naprašowanje nastupajo zasahi přećiwo Serbam dóstała.
