Wo wurjadnym posedźenju Sakskeho krajneho sejma w Drježdźanach

Drježdźany (SN/MkWj). Dosć emocionalnje su dźensa na wurjadnym posedźenju Sakskeho krajneho sejma wo prawicarskich namócnosćach w Clausnitzu, wo wohenju w planowanym domje požadarjow azyla w Budyšinje a wo prawicarskim ekstremizmje w Sakskej scyła debatowali. Opozicija Lěwicy a Zelenych bě sej wurjadne posedźenje žadała. Na nim so pokaza, zo móžeš přičiny aktualneho połoženja w swobodnym staće dospołnje wšelako posudźować.