Nowačkow přizjewić
Pančicy-Kukow. Přizjewjenje nowačkow za šulske lěto 2017/2018 za Serbsku zakładnu Šulu Ćišinskeho w Pančicach-Kukowje přewjedu póndźelu, 5. septembra, w času wot 7 do 14 hodź. a wutoru, 6. septembra, wot 7 do 17 hodź. w sekretariaće kubłanišća. Komuž so wobaj dnjej njehodźitej, njech sej móžny termin a čas pod telefonowym čisłom 035796/ 96 241 abo 96 221 dorěči. Přizjewić maja so wšitke dźěći šulskeho wobłuka, kotrež hač do 30. junija 2017 šeste žiwjenske lěto dokónča. Dale smědźa so dźěći přizjewić, kotrež hač do 30. septembra 2017 šeste žiwjenske lěto dokónča, jeli sej starši hižo klětu zastup do šule přeja. Starši njech njezabudu na wopismo narodźenja.
Wotkryja pomjatnu taflu
Delany. Sobotu, 13. awgusta, w 14.30 hodź. wotkryja w Delanach pod Čornobohom (Döhlen) pomjatnu taflu při ródnym domje Jana Kiliana. Bywši Kilianec statok namakaće pod čisłom 17 na juhu wsy. Bukečanska ewangelska wosada na swjatočnosć, kotruž wobrubja chór Budyšin a Bukečanscy pozawnisća, wutrobnje přeproša.
Kurs serbšćiny za dorosćenych