Swjeća na nowym sportnišću

Serbske Pazlicy. W Serbskich Pazlicach maja tónle kónc tydźenja swój wjesny swjedźeń. Po natočenju piwa dźensa něhdźe w 19 hodź. nowe sportnišćo swjatočnje přepodadźa. Po lóštnym wubědźowanju kaž ćahanju powjaza hornjeje přećiwo delnjej wsy zapiska diskoteka Melodia k rejam. Jutře wot 13 hodź. budźe turněr wjesnych mustwow, a wječor móža so lubowarjo livehudźby na serbsku kapału Logarhythmus wjeselić. Po programje wjesneje młodźiny stara so DJ Guido wo dobru naladu. Wjeršk swjedźenja budźe njedźelu pisany program, a to wot 15.30 hodź. na nowym sportnišću.

Wotkryja pomjatnu taflu

Delany. Jutře, sobotu, w 14.30 hodź. wotkryja w Delanach pod Čornobohom (Döhlen) pomjatnu taflu při ródnym domje Jana Kiliana. Bywši Kilianec statok namakaće pod čisłom 17 na juhu wsy. Bukečanska wosada na swjatočnosć, kotruž wobrubja chór Budyšin a Bukečanscy pozawnisća, wutrobnje přeproša.

Jutře na prěnju probu