Serbski ewangelski kónc tydźenja wotměli

wutora, 04. oktobera 2016
artikl hódnoćić
(0 )
Wočiwidnje sylnje zastupjeny bě dorost na serbskim ewangelskim kóncu tydźenja, kotryž wotmě so hižo třeći raz wot 1. do 3. oktobra w Mužakowje.  Foto: Tereza Krygarjec Wočiwidnje sylnje zastupjeny bě dorost na serbskim ewangelskim kóncu tydźenja, kotryž wotmě so hižo třeći raz wot 1. do 3. oktobra w Mužakowje. Foto: Tereza Krygarjec

Mjeztym hižo třeći raz zetkachu so wot 1. do 3. oktobra serbske ewangelske swójby, zo bychu zhromadny kónc tydźenja přežiwili. Fararka Jadwiga Malinkowa­ bě tónraz do Mužakowa přeprosyła a spodobny program na temu „Syjemy a žnějemy“ přihotowała. Mjeztym zo so dorosćeni w bibliskim dźěle z temu zaběrachu, su sej ju dźěći hrajkajo, molujo a paslo wotkryli.

Mužakow (JKr/SN). W rjenje wupyšenej Slepjanskej cyrkwi swjećachu wobdźělnicy ewangelskeho kónca tydźenja njedźelu zhromadnje z wosadnymi němsko-serbske žnjowodźakne kemše, kotrež serbske dźěći ze stawiznu wo wulkej rěpje a ze spěwom wobrubichu. Wone běchu wočiwidnje z wulkim wjeselom a zapalom při wěcy. Ze samsnym wjeselom nóžkowachu zhromadnje ze staršimi do Rownoho, zo bychu sej tamniši Njepilic statok bliže wobhladali a wjace wo temje „Syjemy a žnějemy­ – něhdy a dźensa“ zhonili.

wozjewjene w: Kultura
Prošu přizjewće so, chceće-li komentar podać

Serbska debata

nowostki LND