Forum w Slepom so „Łužicy 2040“ wěnował
Slepo (AK/SN). „Łužica ma so z europskim modelowym regionom stać. Za to wabimy w Brüsselu. Jako přichodny krok chcemy w rozmołwnym kole komunow směrnicu za Łužicu formulować“, podšmórny Běłowodźanski wyši měšćanosta Torsten Pötzsch (Klartext) wčera na forumje „Łužica za 25 lět – Što chcemy a što nic“. Nowina taz a Slepjanska ewangelska wosada stej na zarjadowanje w tamnišej cyrkwi přeprosyłoj. A wjace hač sto ludźi je přišło.