Wulki chór Wojerecy zwučuje tuchwilu pilnje za koncert „The Armed Man: A Mass for Peace“ (Wobrónjeny muž – měrowa mša) Karla Jenkinsa, kotryž zaklinči 27. meje we Łužiskej hali. Na njedawnej probje je so muecin předstajił.
„Allahu Abkar. Allahu Akbar“, woła Drježdźanjan dr. Muhammed-Ronald Wellenreuther do směra na Mekka. Přewšo koncentrowany jeho hłós skutkuje. Zo by sej słowa hłuboko znutřkownił, sej při tym samo wuši zadźerži. Chóristam rozłožuje wón w awli Leona Foucaultoweho gymnazija nadawki muecina.
