Tež bubnarjo z Afriki pódla poručenje

wutora, 28. měrca 2017
artikl hódnoćić
(0 )

Změny wukrajnych ansamblow na folklornym festiwalu hišće móžne

Chrósćicy (SN/CoR). Štwórć lěta do zahajenja 12. mjezynarodneho folklorneho festiwala „Łužica 2017“, kotryž wotměje so wot 22. do 25. junija w Budyšinje, Chrósćicach a Hochozy, je wobsadka wukrajnych a tukrajnych skupin nimale jasna. „Staw planowanja je dobry. Tak je móžno wšitke předwidźane programy zwoprawdźić“, zwěsći předsyda festiwalneho wuběrka Marko Kowar po zetkanju gremija minjeny tydźeń w Chróšćanskim Krawčikec hosćencu. Wjac hač 300 wukrajnych hosći Domowina jako zarjadowar wočakuje.

Publikum móže wosebje wćipny być na kulturne cyłki, kotrež so prěni raz we Łužicy předstaja. To su mjez druhim Art appreciation folk dance group z Egyptowskeje, American rhythm folk ensemble z USA, hudźbna a rejwanska skupina Naoussa Paros z Grjekskeje, Krupickaja muzika z Běłoruskeje a I Trillanti z Italskeje. Tež afriscy bubnarjo chcedźa rytmus swojeho kontinenta do Łužicy přinjesć. Su to hudźbnicy ze wšelakorych krajow, mjez druhim z Burundija.

wozjewjene w: Kultura
Prošu přizjewće so, chceće-li komentar podać

nawěšk

nowostki LND