Jabkenice (cyna/SN). „Dowěru k sebi a něšto sčinić!“, tele słowa Jurja Chěžki citowaše dr. Franc Šěn sobotu na wuprawje do čěskich Jabkenic. Tam wotmě towarstwo Přećeljo Smolerjec kniharnje swój lětuši „Smolerjowy dźeń“. Jědźechmy z połnje wobsadźenym busom za 25 wosobow, mjez nami pjeć dźěći. Hižo ducy powědaše nam Franc Šěn wjele zajimaweho wo basniku, kiž bě so 22. julija před sto lětami narodźił. Ze zapiskow přećela basnika wón tež wědźeše, zo bě Chěžka rady spěwał a na mandolinje hrał.