Tři serbske słowa móhli być

štwórtk, 14. decembera 2017
artikl hódnoćić
(0 )

Dobre přeća a wočakowanja, ale tež kritika Michaelej Kretschmerej

Drježdźany (SN/at). Sakski krajny sejm je Michaela Kretschmera (CDU) wčera za noweho sakskeho ministerskeho prezidenta wuzwolił. Jenož 69 ze 77 hłosow koaliciskeju frakcijow bě za kandidata.

Prěni gratulant bě předsyda frakcije CDU Frank Kupfer, kotryž rjekny mjez druhim: „Přejemy sej dobre zhromadne dźěło a přilubimy Michaelej Kretschmerej jako knježerstwo nošaca frakcija swoju podpěru.“ Jeho kolega z SPD Dirk Panter skedźbni na wozjewjenje wotpohladow koaliciskeho wuběrka: „Budźemy we wobłukach kubłanje, wěstota, komuny, infrastruktura, wutwar spěšneho interneta kaž tež socialne a hladanje nowe puće namakać, zo bychmy wočiwidne problemy zmištrowali.“

Kretschmer njesměł so „wulkim wužadanjam kaž su to trěbny kónc wudobywanja brunicy a strukturna změna we wuhlowych regionach wotwlakować. Tak móhła so Sakska stać z pućrubarku za škit klimy a pokazać, kak inowatiwne, na přichod wusměrjene energijowe zastaranje funguje“, poruči frakciski předsyda Zelenych Volkmar Zschocke

wozjewjene w: Kraj a swět
Prošu přizjewće so, chceće-li komentar podać

Serbska debata

nowostki LND