Pokład blisko Trjebina

wutora, 20. měrca 2018
artikl hódnoćić
(0 )
Łužica bě hižo před 3 400 lětami wobsydlena. To zwěsćichu nětko wědomostnicy, kotřiž su blisko Trjebina sydlišćo z bronzoweje doby našli. Geoarcheologowka Andrea Renno (nalěwo) a archeologowka Sabrina Herrmann pokazujetej zajimcam namakanki, mjez kotrymiž je mjez druhim derje zdźeržana keramika. Prěni raz su wědomostnicy w Sakskej tajke kompaktne sydlišćo z bronzoweje doby wuslědźili, štož je zdobom woprawdźity łužiski pokład.  Foto: Andreas Kirschke Łužica bě hižo před 3 400 lětami wobsydlena. To zwěsćichu nětko wědomostnicy, kotřiž su blisko Trjebina sydlišćo z bronzoweje doby našli. Geoarcheologowka Andrea Renno (nalěwo) a archeologowka Sabrina Herrmann pokazujetej zajimcam namakanki, mjez kotrymiž je mjez druhim derje zdźeržana keramika. Prěni raz su wědomostnicy w Sakskej tajke kompaktne sydlišćo z bronzoweje doby wuslědźili, štož je zdobom woprawdźity łužiski pokład. Foto: Andreas Kirschke

Archeologojo w Sakskej prěni raz sydlišćo z bronzoweje doby wotkryli

Běła Woda (AK/SN). Blisko Trjebina bě hižo w lětach 1400 do 1000 do Chrystusa, potajkim w bronzowej dobje, sydlišćo. Tak rěka wuslědk archeologow, kotřiž su jenož někotre centimetry pod lěsom rozpřestrěwaceje so Wochožanskeje jamy slědźili. „Kompaktnosć, mnohotnosć a wulkosć wučinjeja jónkrótnosć namakanki. Prěni króć smy w Sakskej tajke zwisowace sydlišćo namakali.“ To rozkładźe nawoda referata Sewjerozapadna Sakska w krajnym zarjedźe za archeologiju dr. Wolfgang Ender minjenu sobotu blisko Wochožanskeje brunicoweje jamy, hdźež su wuslědki wurywankow zjawnosći předstajili. Dźakowano financnej podpěrje koncerna Łužiska energija a milinarnje (LEAG) bě slědźenje scyła hakle móžne. Zakład toho bě třilětne zrěčenje mjez LEAG a zarjadom z lěta 2017. Po nańdźenju chinskeje wěže z časa wjercha Pücklera w lěće 2014 je to nětko druhe wurjadne wotkryće před wuhlowej jamu.

wozjewjene w: Kultura
Prošu přizjewće so, chceće-li komentar podać

nawěšk

nowostki LND