Pokiwy (23.03.18)

pjatk, 23. měrca 2018
artikl hódnoćić
(0 )

Bubnarska skupina so předstaji

Kamjenc. Jens Thieme, woblubowany bubnarski hudźbny wučer Budyskeje wokrjesneje hudźbneje šule w Kamjencu, předstaji jutře, 24. měrca, w 14 hodź. w Kamjenskim měšćanskim dźiwadle swoju rjadownju. Přihladowarjo móža so na wotměnjawe rytmy wjeselić.

BEAT w Kamjentnym domje

Budyšin. Jutře, sobotu, w 20 hodź. zahaji so w Budyskim Kamjentnym domje lětuše wubědźowanje BEAT. Wosom rockowych a dalšich skupin so na nim wobdźěli. Tradicionalne zarjadowanje kapałow zjednoća młodych a nadarjenych hudźbnikow na jewišću.

Swójby móža zhromadnje paslić

Dołha Boršć. Jutře wot 14 hodź. su wose­bje swójby do Dołhoboršćanskeje přirodoškitneje stacije na jutrowne paslenske popołdnjo přeprošene. Chcedźa z nimi tam jejka debić, pjelsćić a z bar­bami eksperimentować.

Jutrowne wiki w hotelu

wozjewjene w: Pokiwy
Prošu přizjewće so, chceće-li komentar podać

Serbska debata

nowostki LND