Jutta Kaiserowa swoju nowu zběrku předstajiła

pjatk, 06. apryla 2018
artikl hódnoćić
(0 )
Jutta Kaiserowa (napr.) je zajimcam wčera mjez jednotliwymi tekstami z nowostki „Ducy pó domowni“ mnohe dopomnjenki powědała. Foto: SN/Maćij Bulank Jutta Kaiserowa (napr.) je zajimcam wčera mjez jednotliwymi tekstami z nowostki „Ducy pó domowni“ mnohe dopomnjenki powědała. Foto: SN/Maćij Bulank

Budyšin (SN/bn). W Budyskej Smolerjec kniharni je Jutta Kaiserowa wčera swoju zběrku „Ducy pó domowni – Spomnjeńki reportarki“ předstajiła. Kniha wobsahuje cyłkownje 30 tekstow, kotrež zdźěla anekdotisce dožiwjenja awtorki jako rozhłosownicy wosebje w Delnjej Łužicy wopisuja. Su pak to tež krótke portrety wusahowacych wosobinow, kaž na přikład Miny Witkojc, Jurja Kocha a Margity Heinrichoweje. Nimo toho je „nam tule skerje tak njeznatym prócowarjam kaž Hansej Kullingej abo Frycej Kitlarjej z přinoškami pomnik stajiła“, rjekny Annett Šołćic, kotraž móžeše něhdźe 20 zajimcow w „swójbnym kole“ witać.

Lektorka nowostki Janka Pěčkec de Lévano, wona wječor moderěrowaše, po­da biografiske noticki k awtorce. 38 lět bě jako­ žurnalistka a reporterka mjez druhim jako nawodnica Choćebuskeho studija­ Serbskeho rozhłosa kaž tež jako wuda­waćelka skutkowała.

wozjewjene w: Kultura
Prošu přizjewće so, chceće-li komentar podać

nawěšk

nowostki LND