Pokiwy (27.07.18)

pjatk, 27. julija 2018
artikl hódnoćić
(0 )

Na Gig-festiwal

Róžant. W Róžeńće wotměje so wot dźensnišeho do njedźele Gig-festiwal. W 21 hodź. pokazaja dźensa film „Outcasts“, kotryž rozprawja wo dźěle fran­ciskanow wobnowjenja z New Yorka. ­Jutře, wot 17 hodź., započnu so koncerty z rockowej skupinu The Thirsting z USA, z kapłanom Kubu z Pólskeje, Edwinom Fawcettom a gospelowym chórom z Jendźelskeje. Za kóždeho budźe něšto pódla – pop, soul, rap a rock kaž tež kabaret. Swjatočnu Božu mšu njedźelu, 29. julija, w 10 hodź. sćelak Radio Horeb original- nje wusyła. Budźe to tón dźeń jenička njedźelna Boža mša na hnadownym městnje. W 13 hodź. zahraje tam serbska skupina Sorbian Art Trio. W 14 hodź. přednošujetaj Sam a Miriam Randall z Jendźelskeje w stanje, kak staj so ze zahorjenymaj katolikomaj stałoj. W 19 hodź. budźe eucharistiski nyšpor w cyrkwi. Nadrobny program je w interneće pod www.gigfestival.de wozjewjeny.

Horjany na swjedźenju

wozjewjene w: Pokiwy
Prošu přizjewće so, chceće-li komentar podać

nawěšk

nowostki LND