Sakske statne ministerstwo za wědomosć a wuměłstwo zapřimnje
Drježdźany (SN/MiR). Sakska chce zahajić dalšu kampanju za wožiwjenje a sylnjenje serbšćiny a serbskeho žiwjenja w serbskim sydlenskim rumje swobodneho stata. Tole zwurazni Stanisław Brězan, zamołwity za naležnosće Serbow a za běrow Rady za serbske naležnosće pola statneho ministerstwa za wědomosć a wuměłstwo (SMWK), w rozmołwje ze Serbskim rozhłosom. Z kampanju chcedźa škit prawow Serbow w Sakskej potwjerdźić. To je statne ministerstwo za wědomosć a wuměłstwo na naprašowanje Serbskich Nowin wobkrućiło.