Zynkonošaki za kóždyžkuli słód

štwórtk, 28. februara 2019
artikl hódnoćić
(0 )
Nažel bjez bookleta: zběrka titlow aktualneho serbskeho popa Nažel bjez bookleta: zběrka titlow aktualneho serbskeho popa

Ludowa hudźba raz hinak, historiski přehlad serbskeje sololiteratury za pianistow a zběrka łužiskich hwězdźičkow wušli

Tři nowe zynkonošaki skića zajimcam móžnosć, bohaty spektrum serbskeje hudźby dale, znowa abo snano tež prěni raz docyła sej wotkryć. Skupina Lídova muzika z Chrástu poski­ća čerstwy wid na serbsku ludowu hudźbu, Heidemarja Wiesnerec zhladuje na „150 lět Serbskeje klawěrneje hudźby“ a Serbski rozhłós je zběrku aktualnych popularnych štučkow zestajał. Produkciju wšitkich CDjow je Załožba za serbski lud spěchowała.

Najnjewšědniša z třoch cejdejkow rěka „Za čěskimi horami“. Na njej prezentuje skupina Lídova muzika z Chrástu cyłkownje 25 „spěwow Łužiskich Serbow“ – zdobom to podtitul edicije – a přidatnje tři nowe kompozicije, inspirowane wot tudyšeje kultury. Pola nas znate pěsnje pak njezaklinča tak, kaž smy to najskerje zwučeni, ale we wobdźěłanjach. A sadźby so zdźěla chětro wot tradicionalnych aranžementow rozeznawaja.

wozjewjene w: Kultura

Galerija

dalši wobraz (1) Stawizny w derje klinčacym šaće: zběrka Heidemarje Wiesnerec
dalši wobraz (2) Folklora, druhdy jako hódančko: Lídova muzika z Chrástu
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND