Pokiwy (22.03.19)

pjatk, 22. měrca 2019
artikl hódnoćić
(0 )

Měrowy swjedźeń

Wostrowc. We Wostrowcu (Ostritz) wotměje so jutře mjeztym třeći měrowy swjedźeń. Z nim chcedźa organizatorojo znowa znamjo za demokratiju, swěta wotewrjenosć, tolerantnosć a měr stajić. W 20 hodź. započnje so tam diskusija w rjedźe „Sakski konopej“.

Serbske kemše w stolicy

Drježdźany. Drježdźanscy Serbja su na maćernorěčnu Božu mšu njedźelu, 24. měrca, w 16 hodź. do cyrkwje swj. Anto­nija w Drježdźanach-Lubitowje, Bünauska 10, přeprošeni. Kemše w sakskej stolicy swjeći farar Gabriš Nawka. Po ke­mšach přizamknje so zetkanje w tamnišej wosadnicy.

Na předstajenje komedije

Haslow. Serbska lajska dźiwadłowa skupina Chrósćicy přeproša lubowarjow žorta na předstajenje swojeje komediju „Čeplski recept“, a to njedźelu w 16 hodź. na Bizoldec žurlu do Haslowa.

Nalětnje zynki zaklinča

Lubin. Chór SLA a chór Choćebuskeho Delnjoserbskeho gymnazija wuhotujetej zajutřišim w Lubinskim domje „Burg­lehn“ zhromadny nalětni koncert. Započatk je w 16 hodź. Nimo spěwow steji serbska drasta w srjedźišću koncerta.

Koncert za akordeon a pišćele

wozjewjene w: Pokiwy
Prošu přizjewće so, chceće-li komentar podać

Serbska debata

nowostki LND