Pokiwy (26.04.19)

pjatk, 26. apryla 2019
artikl hódnoćić
(0 )

Pola Čórlichec załožić

Koćina. Wot dźensnišeho do njedźele, 28. apryla, su zajimcy wot 10 do 18 hodź. na dźeń wotewrjeneho zahrodnistwa do Ko­ćiny k Čórlichecom přeprošeni. W rostlinarnjach namaka kóždy něšto, štož jemu wutrobu zhrěje. Delikatesa budu domjace pražene kołbaski ze zelemi.

Spěwny wječork „Murje“

Jaseńca. Jutře, 27. apryla, su wšitcy, ko­třiž­ rady serbske štučki spěwaja, wot 20 hodź. do Jasčanskeje „Bjesady“ při sportnišću na spěwny wječork přeprošeni. Zarja­dowar, towarstwo „Serbska murja“, so přez kóždeho, kiž swój instrument a dobru naladu sobu přinjese, wjeseli.

Škrabanje jejkow nawuknyć

Budyšin. W Budyskim Serbskim mu­zeju móža zajimcy jutře pod nawodom Carole Stauberoweje škrabansku tech­niku debjenja jutrownych jejkow nawu­knyć. Započatk je w 10 hodź.

Na nalětnje wiki

Stróža. Jutře, 27. apryla, wotměja so w Domje tysac hatow w Stróži wot 10 do 17 hodź. hižo k 18. razej němsko-serbske nalětnje wiki. Wjace hač 80 wikowarjow, rjemjeslnikow a towarstwow so na hosći wjeseli. W programje wustupja po koncerće hudźbnikow z Čěskeje w 15 hodź. dźěći Malešanskeje Witaj-pěstowarnje.

wozjewjene w: Pokiwy
Prošu přizjewće so, chceće-li komentar podać

Serbska debata

nowostki LND