Rozdźěle akceptować

pjatk, 10. meje 2019
artikl hódnoćić
(0 )
Třicety raz je Friedricha Ebertowa załožba Budyski forum wčera a dźensa w sprjewinym měsće zarjadowała. Centralna tema bě prašenje, kak so dopominać na žiwjenje w NDR, kak wobchadźeć z njeprawdu SED 30 lět po měrniwej rewoluciji. Zo je Frank Richter, znaty teologa a wojowar wo wobydlerske prawa, wjelelětny nawoda krajneje centrale za politiske kubłanje a nětčiši kandidat SPD za nowy Sakski krajny sejm, wčera zawodnje spytał na prašenje „Za čo so dopominać?“ z aktualnym poćahom wotmołwić, bě wobdźělnikam zawěsće wjeršk. Za wažny pak mam tež facit po wčerawšej podijowej diskusiji. Hdyž bě tam rěč wo tym, zo měli rozdźělne pohódnoćenje NDRskeje zašłosće akceptować, wotpowěduje to skerje začuwanju jednotliwca. Tež hdyž njeje měnjenje jednoho tamnemu přijomne: Wone twori sobu wjacehódnotu, kotraž wšitkim wjace dawa hač jednostronski wid. Wažne to dopóznaće za dalše rozestajenje ze zašłosću NDR. Axel Arlt

wozjewjene w: Politika
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND