Pokiwy (12.07.19)

pjatk, 12. julija 2019
artikl hódnoćić
(0 )

Poezija pod wodarnju

Budyšin. 40. róčnicy prěnjeho Swjedźenja serbskeje poezije je wěnowana Budyska nóc poezije 2019, kotraž wotměje so jutře, sobotu, wot 18 hodź. pod Budyskej Starej wodarnju. Tam přeprošeja Benedikt Dyrlich, Měto Benada a Alfons Wićaz na wopomnjensku bjesadu z krótkimi či­ta­njemi bywšich wobdźělnikow a organizatorow swjedźenja. Wjace hač 20 basnikow z tu- a wukraja je wobdźělenje připrajiło. Wosebje spominać chcedźa na Kita Lorenca. Ćělne derjeměće je z praže­nymi kołbaskami a napojemi zaručene. Wšitcy zajimcy su tuž wutrobnje witani.

W prózdninach do muzeja

Budyšin. Dwójce přeproša Budyski Serbski muzej přichodny tydźeń na prózdninski program. Wutoru, 16. julija, přewjedu program „Wobrazy krajiny“. Wobdźělnicy zbliža sej wosebitu wustajeńcu a zhonja, čehodla je so naša do­mizna změniła, što je brunica a za čo so wužiwa. Skónčnje budu sami z wuhlom wobraz rysować.

wozjewjene w: Pokiwy
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND