Tež koparjo Chróšćanskeje sportoweje jednotki w treningowym ...

wutora, 06. awgusta 2019
artikl hódnoćić
(0 )
Hrajerjo prěnjeho koparskeho mustwa SJ Chrósćicy su w treningowym lěhwje w Pólskej tež dwě přihotowanskej hrě přewjedli.  Foto: Maksimilian Zahrodnik Hrajerjo prěnjeho koparskeho mustwa SJ Chrósćicy su w treningowym lěhwje w Pólskej tež dwě přihotowanskej hrě přewjedli. Foto: Maksimilian Zahrodnik

Za optimalny přihot na nowu hrajnu dobu podachu so koparjo Sportoweje jednotki Chrósćicy (SJC) kónc julija do tre­ningoweho lěhwa w pólskej Raszo­wje. To je wjes w gmejnje Leśnica, kotraž je zdobom partnerska komuna Chrósćic. Koparjo SJC přebywachu tam mjeztym třeći raz.

Po tym zo běchu sej štwórtk, 25. julija, wječor 14 hrajerjow a trenarje do Pól­skeje dojěli, startowachu pjatk po rańšim sporće a sně­dani z treningom. Na planje steje­štej dwě jednotce, jedna dopołdnja a jedna popołdnju. W dopołdnišej dźěłachu wobdźělnicy při horcych tempera­turach wosebje na kondiciji, popołdnju zwučowachu wšelake hrajne formy. Wječor­ slědowaše hišće hra přećiwo mu­stwu­ z Raszowy, kotraž skónči so 2:1 za domjacych. Chróšćenjo mějachu w prěnim kaž tež w druhim połčasu dosć šansow, njezamóchu pak je wužić.

wozjewjene w: Sport
Prošu přizjewće so, chceće-li komentar podać

Serbska debata

nowostki LND