Projekt LandArt podłu Jawory zakónčeny

póndźela, 07. oktobera 2019
artikl hódnoćić
(0 )
Wopytowarjo su najwjetši objekt wuměłskeho projekta „LandArt“ „Pječat mocy słónca“ w zmysle słowa ze žiwjenjom pjelnili.  Foto: Feliks Haza Wopytowarjo su najwjetši objekt wuměłskeho projekta „LandArt“ „Pječat mocy słónca“ w zmysle słowa ze žiwjenjom pjelnili. Foto: Feliks Haza

Njebjelčicy/Miłoćicy (SN/bn). Projekt „LandArt podłu Jawory“ je zakónčeny. Fi­ni­saža wuměłstwoweje akcije towarstwa Kamjenjak je sobotu a njedźelu wulki zajim wopytowarjow zbudźiła. W Miłoćicach, Wěteńcy, Pěskecach, Serbskich Pa­zlicach a Njebjelčicach wobdźiwachu woni wuslědki wuměłskeho dźěła dohromady šěsć mjezynarodnych wuměłcow, kotřiž su wot 11. septembra hač do wčerawšeho we Łužicy skutkowali.

Wosebitosć projekta je, zo běchu wopytowarjo aktiwnje do tworićelskeho procesa zapřijeći. Tak poskići na přikład Iwona Stypułkowska we wobłuku dźěłarnički zajimcam składnosć, so wo swojim dźěle wobhonić, a pokaza jim mjez druhim, kak hodźa so tak mjenowane wodowe barby na přirodne wašnje zhotowić. Zakład dźěłarnički tworješe wučba wo barbach po teoriji Johanna Wolfganga Goethy. Jedyn projektny přinošk renoměrowaneje wuměłče z Pólskeje rěka „Žiwa forma“, je mjez druhim z wóska zhotowjena rysowanka a při Miłočanskej žabje wustajena. Tamny je „Pječat mocy słónca“ a z přerězkom něhdźe 20 metrow najwjetši jednotliwy objekt.

wozjewjene w: Kultura
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

  • Serbska lajska dźiwadłowa skupina Šunow-Konjecy je swoju nowu komediju "Ludźo njedźiwaće so" 9. nowembra prapremjernje w Šunowskej Fabrikskej hospodźe předstajiła. tule namakaće někotre impresije z inscenacije. 

Tohorunja tón kónc tydźenja su w Ketl

nowostki LND