Perfektny zazběh do sezony

póndźela, 14. oktobera 2019
artikl hódnoćić
(0 )
Wolejbulowy cyłk muži Viktorije Worklecy je w Niederoderwitzu z dobyćom 3:0 do sezony startował. Tež dalšej hrě Worklečenjo minjenu sobotu doma přećiwo Kudraćicam a Wulkej Dubrawje stajnje z 3:0 dobychu.  Foto: Mato Eckert Wolejbulowy cyłk muži Viktorije Worklecy je w Niederoderwitzu z dobyćom 3:0 do sezony startował. Tež dalšej hrě Worklečenjo minjenu sobotu doma přećiwo Kudraćicam a Wulkej Dubrawje stajnje z 3:0 dobychu. Foto: Mato Eckert

TSV Niederoderwitz – Viktoria Worklecy 0:3 (16:25, 15:25, 15:25)

Za Worklecy hrajachu: Jan Bětnar, Clemens Eckert, Pawl Hančik, Jurij Lipič, Marcel Rjelka, Józef Šnajder, René Šuster a Stephan Wjeńka. Trenar w Niederoderwitzu bě Ludwig Eckert.

Jědna wěc je lětsa hinaša pola Wor­klečanskich wolejbulistow. Byrnjež třo stajni hrajerjo wotprajili, poda so sobotu tydźenja sylny cyłk dźesać „młodych dźiwich“­ do Žitawskich horin na prěnju wonkownu hru noweje sezony we wobwodnej lize­. Cil, tři dypki docpěć, bě jasny. Kapitan Ludwig Eckert bě hišće lochko zranjeny a přewza rólu trenarja. Mě­je­še wulki luksus, wšako móžeše kóždu poziciju sylnje wobsadźić. Tak měješe Pawl Hančik jako libero swój debit w trikoće Viktorije a pokaza jara dobry wukon.

Mustwo z Niederoderwitza hraješe chětro přestarjeny system z dwěmaj při­stajerjomaj. Tak běše za hosći lochko nadběhi přećiwnika spóznać a je přeco zaso blokować. W prěnjej sadźbje wuhrachu Worklečenjo swoje wulkotne kmanosće a praskachu bul po bulu na polo hosćićela. Njetraješe dołho, a prěnja sadźba bě z 25:16 dobyta.

wozjewjene w: Sport
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

  • Serbska lajska dźiwadłowa skupina Šunow-Konjecy je swoju nowu komediju "Ludźo njedźiwaće so" 9. nowembra prapremjernje w Šunowskej Fabrikskej hospodźe předstajiła. tule namakaće někotre impresije z inscenacije. 

Tohorunja tón kónc tydźenja su w Ketl

nowostki LND