Roland Dantz: Naročny to puć za Serbski sejm

póndźela, 20. januara 2020
artikl hódnoćić
(0 )
Starobna prezidentka Serbskeho sejma Edith Pjenkowa a wyši měšćanosta Roland Dantz (njestronjan) w Kamjenskej radnicy  Foto: Bernd Goldammer Starobna prezidentka Serbskeho sejma Edith Pjenkowa a wyši měšćanosta Roland Dantz (njestronjan) w Kamjenskej radnicy Foto: Bernd Goldammer

Kamjenc (BG/SN). Na přeprošenje Kamjenskeho wyšeho měšćanosty Rolanda Dantza (njestronjan) schadźowachu so čłonojo Serbskeho sejma sobotu prěni raz w nowym lětdźesatku w radnicy Lessin­goweho města. W swojich witanskich słowach skedźbni hosćićel na zhromadnosć wobydlerjow wokoło města. „Kamjenc je přeco hižo k serbskej kul­tu­rje słušał“, Dantz wuzběhny. Wón wjeseli so nad dotalnym wuwićom Serb­skeho sejma. „Wy, moje damy a moji knježa, sće so na puć podali, zo byšće woprawnjenej naležnosći serbskeho ludu sylniši hłós dali. Přeju wašemu dźěłu wjele wuspě­cha“, přinjese wyši měšćanosta swoje mysle na dypk. Jemu je jasne, zo chowa so za tym naročny puć. Tohodla přeje Serbam zdobom trěbnu přezjednosć. Wón chwaleše sej dobre zhromadne dźěło­ z Njebjelčanskim wjesnjanostu To­ma­šom Čornakom (CDU), kiž je swoju komunu mjez tradiciju a modernu jara derje nastajił.

wozjewjene w: Kraj a swět
Prošu přizjewće so, chceće-li komentar podać

Serbska debata

nowostki LND