Rozhłosowy popłatk drje zwyša

pjatk, 21. februara 2020
artikl hódnoćić
(0 )

Berlin (dpa/SN). Rozhłosowy popłatk měł so po słowach komisije fachowcow wot januara 2021 wo 86 centow na 18,36 eurow měsačnje podróšić. Swoju rozprawu z poručenjom je komisija k zwěsćenju pjenježneje potrjeby rozhłosowych sćelakow (KEF) wčera w Berlinje zastupnikam zwjazkowych krajow přewostajiła. Woni maja w tej naležnosći poslednje słowo a maja doskónčnje wo wobjimje popłatka za sćelaki ARD, ZDF a Deutsch­landradio rozsudźić. Poručenje komisije je zdobom směrodajne. Dotal płaća ludźo 17,50 eurow na měsac.

Zjawnoprawniskemu rozhłosej je popłatk hłowne žórło dochodow. Tón běchu w aprylu 2015 wot 17,98 na 17,50 eurow­ znižili. Wot toho časa njejsu jón změnili. Wo wobjimje popłatka rozsudźeja prawidłownje po štyrjoch lětach. Přichodna perioda traje wot 2021 do 2024. W lěće 2018 běchu z rozhłosoweho popłatka něhdźe wosom miliardow eurow wuzbytkowali. Za loni liča z po­dobnej sumu.

wozjewjene w: Kraj a swět
Prošu přizjewće so, chceće-li komentar podać

Serbska debata

nowostki LND