30. sezona mikswolejbulistow dočasnje skónčena

srjeda, 25. měrca 2020
artikl hódnoćić
(0 )
Mikswolejbulisća Budyskeje FSG zakónčichu jubilejnu 30. sezonu w hobbyjowej lize ze slěbrom. Na spočatku hrajneje doby 2019/2020 zasadźeni běchu: Gerald Urban, Peter Blümel, Měrko Korjeńk, Steffen Alter (wotlěwa stejo); Hella Zschieppang, Sophie Hejduškec a Andrea Spee-Keller (klečo wotlěwa). Foto: Měrko Korjeńk Mikswolejbulisća Budyskeje FSG zakónčichu jubilejnu 30. sezonu w hobbyjowej lize ze slěbrom. Na spočatku hrajneje doby 2019/2020 zasadźeni běchu: Gerald Urban, Peter Blümel, Měrko Korjeńk, Steffen Alter (wotlěwa stejo); Hella Zschieppang, Sophie Hejduškec a Andrea Spee-Keller (klečo wotlěwa). Foto: Měrko Korjeńk

Mikswolejbulisća Budyskeje FSG su 30. mišterstwa na hobbyjowej runinje ze slěbrom mjez sydom startowacymi cyłkami zakónčili. Mustwo ST Wjazońca zaruči sej třeći raz zasobu titul wokrjesneho mištra.

Kaž SN hižo rozprawjachu, je Sakski wolejbulowy zwjazk coronawirusa dla we wšěch ligach dypkowe hry wotprajił a dočasnje zakónčił. Tak su tež mišterstwa mikswolejbulistow na hobbyjowej runinje w Budyskim wokrjesu nimo. Tróšku zbožownje skónči měšany team Budyskeje FSG jubilejnu 30. sezonu, wšako je mjez wšitkimi sydom mustwami najwjace partijow absolwowała. Ze šěsć dobyćemi wuwojowachu sej hrajerki a hrajerjo wokoło kapitana Petera Blümela slěborne městno. To je w 26. lěće přisłušnosće w miksowej lize jědnate wicemišterstwo. K tomu přińdu samsna ličba wokrjesnych titulow a tři třeće městna. Tak wostanje Budyska FSG dale najwuspěšniše měšane mustwo našeho wokrjesa.

wozjewjene w: Sport
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND