Prawicarjo widźa „šansu“

póndźela, 18. meje 2020
artikl hódnoćić
(0 )
Mjeztym šesty króć su w Budyšinje sobotu přećiwo wobmjezowanjam zakładnych čłowjeskich prawow koronapandemije dla demonstrowali. Wobdźělnicy ćehnjechu wot Žitnych wikow po Bohatej hasy hač k Hłownemu torhošću. Pozdźišo wotměštej so pod Bohatej wěžu zarjadowanje AfD a wot měšćanskich radźićelow nastorčena přećiwna akcija.  Foto: Carmen Schumann Mjeztym šesty króć su w Budyšinje sobotu přećiwo wobmjezowanjam zakładnych čłowjeskich prawow koronapandemije dla demonstrowali. Wobdźělnicy ćehnjechu wot Žitnych wikow po Bohatej hasy hač k Hłownemu torhošću. Pozdźišo wotměštej so pod Bohatej wěžu zarjadowanje AfD a wot měšćanskich radźićelow nastorčena přećiwna akcija. Foto: Carmen Schumann

Znowa demonstracije přećiwo wobmjezowanjam koronapandemije dla

Drježdźany (dpa/SN). Sakski ministerski prezident Michael Kretschmer (CDU) je rozsudy w boju přećiwo koronawirusej zakitował a wo zrozumjenje za nje wabił. 45lětny poda so kónc tydźenja za to k demonstrantam, kotřiž su w Drježdźanach přećiwo naprawam koronawirusa dla protestowali. Tam so něhdźe 200 ludźi zhromadźi – mjez nimi tež tajcy, kotřiž sej dźěło ministerskeho prezidenta chwalachu. Druzy porno tomu prějachu, zo koronawirus scyła eksistuje, a wumjetowachu politikarjam, zo chcyli z „korona-łžu“ ludźom strach načinić. Někotři běchu přeswědčeni, zo je koronakriza skutk „ćěmnych mocow“. Kaž Michael Kretschmer rjekny, je wón „wjesoły, zo njetrjebachmy w Sakskej žane ćěła mortwych z nakładnymi awtami wotwjezć“ a zo njeby za tajku situaciju zamołwity być chcył. Někotre rozsudy běchu hórke a su tež jemu bjezsparne nocy wobradźili, kaž přizna. Spočatnje wšak njebě ani znate, kak so wirus rozpřestrěje. „Nětko pak smy mudriši a tuž je nětko tež wjace móžno.“

wozjewjene w: Kraj a swět
Prošu přizjewće so, chceće-li komentar podać

Serbska debata

nowostki LND