Zetkanje skupiny Gundermanna
Wojerecy. Wot dźensnišeho do njedźele wotměwa so we Wojerowskej Kulturnej fabrice (kufa) towarstwowe zetkanje skupiny Gundermanna. Po dźensnišim wječorku su zajimcy jutře, sobotu, w 10 hodź. na zjawnu zhromadźiznu towarstwa přeprošeni. Wot 17 hodź. wutworja spěwytwórcy na lětnjej zahrodźe „zjawne jewišćo“. Njedźelu budźe bjesada.
Na Kopšinjanske hrodźišćo
Kamjenc. Zajutřišim, njedźelu su zajimcy wot 10 hodź. na dwuhodźinske pućowanje po Kopšinjanskim hrodźišću přeprošeni. Jasmin Kaiser, archeologowka Kamjenskeho Muzeja zapadneje Łužicy wobdźělnikow ekskursije powjedźe. Pod telefonowym čisłom 03578/ 97 88 310 proša wo přizjewjenje.
Forum w Domje biskopa Bena
Smochćicy. Składnostnje zawjedźenja pjenježneje, hospodarskeje a socialneje unije před 30 lětami w NDR wotměje Dom biskopa Bena póndźelu, 22. junija, w 19.30 hodź. „Smochčanski forum“. Wšitcy su přeprošeni.
Benedikt Dyrlich čita
