Söder: Za wólbny bój přezahe

wutora, 11. awgusta 2020
artikl hódnoćić
(0 )

Rozdźělne reakcije na nastajenje Olafa Scholza za kanclerskeho kandidata SPD

Berlin (dpa/SN). Nominacija financneho ministra Olafa Scholza za kanclerskeho kandidata SPD ke klětušim wólbam zwjazkoweho sejma je najrozdźělniše reakcije zbudźiło. Prezidij a předsydstwo strony běštej Scholza wčera jednohłósnje pomjenowałoj.

W rjadach SPD reaguja pozitiwnje. Rěča wo wuskim mustwje strony, frakcije, knježerstwa a kandidata, kaž generalny sekretar Lars Klingbeil potwjerdźi: „Smy zwólniwi, a mam wulki lóšt na wólbny bój.“ Manuela Schwesig, ministerska prezidentka Mecklenburgsko-Předpomorskeje pokaza na wulke zasłužby, kotrež je sej Scholz w koronakrizy zdobył.

Mětopředsyda FDP Wolfgang Kubicki je sej porno tomu wěsty, zo rozsud na dobro Scholza socialdemokratam skerje škodźi. „Nawodnistwo strony dyrbi rozkłasć, čehodla měli ludźo w kraju Scholza wolić, hdyž wón ani sam njezdokonja, zo swójscy towaršojo jeho za předsydu strony wuzwola“, rjekny Kubicki powěsćerni dpa.

wozjewjene w: Kraj a swět
Prošu přizjewće so, chceće-li komentar podać

Serbska debata

nowostki LND