Diakonska swjećizna

Kulow. Zhorjelski biskop Wolfgang Ipolt wudźěli jutře na Božej mši w Kulowje Markusej Winzerej z tamnišeje wosady diakonsku swjećiznu. Kulowski farar dr. Wolfgang Křesák přeproša wšitkich, Božu mšu, kotraž započnje so w 9.30 hodź., sćěhować. Hladajo na předpisy korony dla pokazaja kemše jako widejo tež w swjedźenskim stanje.

Z połnej paru swjećić

Mužakow. Wot dźensnišeho do njedźele wotměwa so w Mužakowje swjedźeń składnostnje 125. wobstaća tamnišeje lěsneje železnicy. Kóždu hodźinu pojědu parne lokomotiwy z Kromolanskeho parka do Mužakowa. Wobhladanja­- hódna je jubilejna wustajeńca w muzeju lěsneje železnicy.

Traktory sej wobhladać

Brězowka. Jutře budźe w Brězowce (Halbendorf) zetkanje traktorow. Wot 10 hodź. wustaja na swjedźenišću při sportnišću wlečaki, ratarsku techniku, wohnjowoborne jězdźidła a motory. W 11 hodź. sej wustajerjo ze swojimi mašinami do blišeje wokoliny wuleća. Wot 13 hodź. so traktorisća potom wubědźuja.

Klankodźiwadłowy swjedźeń