Studenća stawiznow z Innsbrucka na wuprawje
Budyšin (SN/CoR). Pod hesłom „Hornja Łužica – měnjaty region“ nastajichu so studenća Instituta za stawiznowědu a europsku etnologiju Uniwersity Innsbruck na ekskursiju do Budyšina. Pod nawodom prof. dr. Patricka Kuppera chcedźa so cyły tydźeń z najwšelakorišimi aspektami tudyšich stawiznow, ale tež přitomnosće zeznajomić. Dr. Jana Piňosová a Marcel Langer ze Serbskeho instituta staj jim při naročnym programje poboku. Prof. Kupper je kooperaciski partner jeju slědźerskeho projekta.