Pokiwy (09.10.20)

pjatk, 09. oktobera 2020
artikl hódnoćić
(0 )

Porěči wo mrowjach

Budyšin. „Hdyž so mrowje z čwělu stanu“­ rěka hesło přednoška dr. Bern­harda Seiferta ze Zhorjelskeho muzeja za přirodowědu jutře, sobotu, w 15 hodź. w Muzeju Budyšin. Globalna wuměna tworow je wjedła k njewotpohladanemu zawjedźenju tak mjenowanych inwa­­ziwnych družin mrowjow. Tele družiny za­ničić je ćežko a zda so bjezwuhladne. W swojim přednošku zaběra so dr. Seifert z jich biologiskimi kajkosćemi. Tak wón rozłoži, z kotrymi strategijemi a bró­nje­mi so samo na sebi fascinowace zwěrjatka z „njekničomnikami“ stanu.

Boža słužba w telewiziji

Smochćicy. Zwjazkowy prezident Frank-Walter Steinmeier wobdźěli so za­ju­třišim, njedźelu, w 11 hodź. na ekumeniskej Božej słužbje w Smochčanskim kubłanišću swj. Bena. Na njej přepo­dadźa najwyšemu reprezentantej Němskeje žnjowu krónu. Mjez duchownymi, kotřiž nutrnosć swjeća, budźe farar Clemens­ Hrjehor z Budyšina. Hudźbne wobrubjenje přewozmje Serbski ludowy ansambl. Telewizija MDR Božu słužbu originalnje wusyła.

Poskitk za swójby

wozjewjene w: Pokiwy
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND