Christoph Hein z nowostki wo Lessingu čitał

pjatk, 16. oktobera 2020
artikl hódnoćić
(0 )
Christoph Hein je srjedu wječor w Kamjenskim měšćanskim dźiwadle ze swojeje noweje knihi „Ein Wort allein für Amalia“ čitał.  Foto: Bernd Goldammer Christoph Hein je srjedu wječor w Kamjenskim měšćanskim dźiwadle ze swojeje noweje knihi „Ein Wort allein für Amalia“ čitał. Foto: Bernd Goldammer

Kamjenc (BG/SN). Něhdźe 150 ludźi je srjedu wječor na čitanje Christopha ­Heina do Kamjenskeho měšćanskeho dźiwadła přichwatało. „Ein Wort allein für Amalia“ je titul jeho nowele, wušłeje w měrcu w nakładnistwje Suhrkamp/Insel. Dźe wo poslednje dny najwuznamnišeho basnika rozswětlenja a rodźeneho Kamjenčana Gottholda Ephraima Lessinga. Christoph Hein powěda z perspektiwy zestarjeneje Amalije. Lessing bě jeje přirodny nan a ju jara lubowaše.

W lisće dźowce spřećeleneje swójby so Amalia nětko na zemrěće Lessinga dopomina. Po zdaću njebě rozswětler krótko do smjerće spokojom ze swojim žiwjenjom. Wón je so z „dwórskim radźićelom“ a bibliotekarom stał, za to pak spisowaćela woprował. W lěće 1781 poda so hižo chory Lessing k přirodnej dźowce Amaliji von Wolfenbüttel do Braunschweiga. Na jězbje bě so ćežko nazymnił a přijěwši so zwjezł. Amalia je jemu poboku być spytała, štož njebě lochko. Zymicy dla wón chětro ćerpješe. Druhdy zaměni Amaliju z jeje maćerju, jeho ze­mrětej mandźelskej Evu.

wozjewjene w: Kultura
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND