Prěnja poražka za Lottnera

štwórtk, 29. oktobera 2020
artikl hódnoćić
(0 )
Feliks Brügmann (nalěwo, Choćebuz) měješe doma přećiwo Berlinskemu AK dwě wulkej móžnosći wrota docpěć, wobě pak wón wužić njemóžeše.  Foto: Georg Zielonkowski Feliks Brügmann (nalěwo, Choćebuz) měješe doma přećiwo Berlinskemu AK dwě wulkej móžnosći wrota docpěć, wobě pak wón wužić njemóžeše. Foto: Georg Zielonkowski

FC Energija Choćebuz

– Berlinski AK 0:3 (0:1)

Zestawa domjacych: Stahl – Pelivan, Storb, Koch, Jarosch (46. Gladrow), Eisenhuth, Hoffmann, Erlbeck, Hoppe, Crnicki (59. Stettin), Fl. Brügmann

Nětko je tež nowy trenar Dirk Lottner potrjecheny. W swojej šestej hrě z mužemi FC Energije Choćebuz dyrbješe Lottner swoju prěnju poražku dožiwić. Tak jasny kaž bě wuslědk, tak jasny bě tež wotběh hry. Hosći­ćeljo njemějachu w žanej fazy partije­ přistup k njej. Duel přez cyły čas hosćo dominowachu. Grawoćiwe zmylki w škiće so přidružichu a nadběh Choćebužanow bě chětro słaby. Tak dóńdźe­ w 90 mjeńšinach před prózd­nymi tribunami jenož k dwěmaj třělwomaj na wrota hosći přez Felixa Brügmanna. Při prěnjej bě Brügmann sam na wrotarja běžał (56.) a krótko do wothwizdanja bě wón jenož łatu trjechił (89.). Wosebje wuzběhnyć ma so zadźerženje třělcow wrotow z Berlina. Wobaj, Abdulkadir Beyazit (6., 48.) a Nader El-Jindaoui (81.) staj hižo za Energiju hrałoj a so fairnje za Berlinjanow wjeseliłoj.

wozjewjene w: Sport
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND