Na zelenym trawniku knježi w Choćebuskim Stadionje přećelstwa hižo dlěši čas hodowny měr. Tola hnydom pódla koparskeho pola, w běrowach towarstwa, hdźež sobudźěłaćerjo jenož hišće skrótšene dźěłaja, je so strukturelnje něšto změniło. Sebastian König je swoju funkciju jako sportowy nawoda spušćił. Jeho poziciju wobsadźić njeje tučasnje předwidźane. König, kiž bě do toho hižo wuspěšny trenar juniorow w zwjazkowej lize, pak wostanje nawoda młodźinskeho centruma Energije.