Zeleni 2021 z nowej zmužitosću

póndźela, 11. januara 2021
artikl hódnoćić
(0 )

Předsydstwo strony na klawsurje zakładny dokument schwaliło

Berlin (dpa/SN). Zeleni chcedźa ze socialnymi polěpšenjemi a inwesticijemi sćěhi koronakrizy přewinyć. „W lěće 2021 dyrbi politika zaso na nowej zmužitosći nabyć, wěcy hinak činić, zo njeby system našeho derjeměća jenož porjedźała, ale sprawniši a lěpši činiła“, rěka w naćisku dokumenta, kotryž chcyše zwjazkowe předsydstwo dźensa wobzamknyć. Šěsć stron wopřijacy dokument z hesłom „Zhromadnje lěpje, lěpje zhromadnje“ powěsćerni dpa předleži.

Spočatk noweho lěta bě nawodnistwo Zelenych na tři dny trajacej klawsurje wo strategiskich prašenjach a wo wupućach z koronakrizy wuradźowało. W běhu dnja chcyštaj předsydaj Annalena Baerbock a Robert Habeck wuhlady na lěto předstajić, w kotrymž su wólby zwjazkoweho sejma a wólby krajnych sejmow w šěsć zwjazkowych krajach.

wozjewjene w: Kraj a swět
Prošu přizjewće so, chceće-li komentar podać

Serbska debata

nowostki LND